Government Job | आर्थिक अडचणीमुळे किंवा इतर काही कारणांमुळे बऱ्याच तरुणांना शिक्षण पूर्ण करता येत नाही. बरेच जण दहावी नंतर शिक्षण घेणे बंद करतात. अशा तरुणांना मग मिळेल ते काम करावे लागते. आता अशा तरुणांसाठी थेट सरकारी नोकरीची संधी चालून आली आहे.यासाठी अट फक्त 10 वी पासची असणार आहे.

झारखंड स्टाफ सिलेक्शन कमिशनने (jharkhand SSC) फील्ड वर्करच्या पदासाठी भरती सुरू केली आहे. या पदासांठी 1 ऑगस्ट 2024 पासून अर्ज भरायला सुरुवात होणार आहे. या पदांसाठी अर्ज करण्याची (Government Job) इच्छा आहे त्यांनी अंतिम तारखेपूर्वी विहित नमुन्यात अर्ज करावेत. रिक्त जागांसाठी फक्त नोटीस जारी करण्यात आली आहे.

अजून अर्ज भरण्यासाठी लिंक ओपन झाली नाहीये. या पदांसाठी 1 ऑगस्टपासून अर्ज सुरू होतील.अर्ज करण्याची शेवटची तारीख ही 31 ऑगस्ट 2024 आहे. या भरती अंतर्गत तब्बल 510 फील्ड वर्कर पदे भरली जाणार आहेत.

ही पदे आरोग्य, वैद्यकीय शिक्षण आणि कुटुंब कल्याण विभागांतर्गत आली आहेत. या पदांसाठी अर्ज करण्यासाठी तुम्हाला झारखंड कर्मचारी निवड आयोगाच्या अधिकृत वेबसाइटला भेट द्यावी लागेल. jssc.nic.in. या वेबसाईटवर तुम्ही सविस्तर माहिती मिळवू शकता.

पात्रता काय?

अर्ज करण्यासाठी उमेदवाराने मान्यताप्राप्त बोर्डातून 10वी परीक्षा उत्तीर्ण असणे आवश्यक असून त्याचे वय 18 ते 35 वर्षांच्या दरम्यान असावे. 1 ऑगस्ट 2024 पासून वयाची गणना केली जाईल. आरक्षित (Government Job) वर्गाला नियमानुसार वयोमर्यादेत सवलत मिळेल.

या पदांसाठी उमेदवारांची निवड झारखंड फील्ड वर्कर स्पर्धा परीक्षा 2024 द्वारे केली जाईल. परीक्षेची तारीख अजून जाहीर झाली नाही. अर्ज करण्यासाठी सामान्य, BC, EBC आणि EWS श्रेणीतील उमेदवारांना 100 रुपये शुल्क भरावे लागेल. तर एससी आणि एसटी प्रवर्गासाठी 50 रुपये शुल्क निश्चित करण्यात आले आहे.

पगार किती मिळणार?

JSSC फील्ड वर्कर पदांवर निवडल्यास, उमेदवारांना 18,000 रुपये ते 56,900 रुपये मासिक वेतन मिळेल. अर्ज करण्यासाठी प्रथम आयोगाच्या अधिकृत वेबसाइट jssc.nic.in वर जा. येथे तुम्हाला JFWCE-2024 नावाची ऍप्लिकेशन लिंक दिसेल. यावर तुम्ही अर्ज भरू शकता. मात्र, अर्ज प्रक्रिया अद्याप सुरू झाली (Government Job) नाही.