HDFC Bank l एचडीएफसी बँकेचं क्रेडिट कार्ड वापरणाऱ्यांची संख्या जास्त आहे. मात्र, बँक आता आपल्या क्रेडिट कार्ड रिवॉर्ड प्रोग्राममध्ये अनेक बदल करणार आहे. नवीन नियम 1 सप्टेंबरपासून लागू होणार आहेत. यामुळे, तुम्हाला युटिलिटी व्यवहारांवर दरमहा केवळ 2000 रिवॉर्ड पॉइंट्स मिळणार आहेत. याशिवाय शैक्षणिक पेमेंटवर देखील रिवॉर्ड पॉइंट्स दिले जाणार नाहीत.

क्रेडिट कार्डच्या अनेक नियमांत बदल :

एचडीएफसी बँकेने 1 ऑगस्टपासून क्रेडिट कार्डवरील अनेक नवीन नियम बदलले आहेत. यामध्ये 50 हजार रुपयांपेक्षा जास्त रकमेच्या युटिलिटी व्यवहारांसाठी 1 टक्के शुल्क आकारले जात आहे. याशिवाय बिझनेस कार्डवरील ही मर्यादा प्रति व्यवहार 75 हजार रुपये करण्यात आली आहे. तसेच विमा बिल हे युटिलिटी व्यवहार मानले जात नाही.

आता महिन्याभरात मिळणाऱ्या कमाल गुणांची मर्यादाही निश्चित करण्यात आली आहे. याशिवाय, मोबाईल आणि केबल बिलांवर एका महिन्यात 2000 रिवॉर्ड पॉइंट्सची मर्यादा देखील लागू करण्यात आली आहे.

HDFC Bank l थर्ड पार्टी ॲप्सद्वारे पेमेंट केल्यावर तुम्हाला लाभ मिळणार नाही :

बँकेने माहिती दिली आहे की, अनेक प्रकरणांमध्ये लोकांनी व्यवसायाशी संबंधित व्यवहार करण्यासाठी वैयक्तिक क्रेडिट कार्डचा वापर केला आहे. याशिवाय इतर लोकांची बिले भरून रिवॉर्ड पॉइंटही मिळवले जात आहेत. यासह, त्यांना खर्चावर आधारित ऑफरचा लाभ देखील मिळतो. आता रिवॉर्ड पॉइंट्सवर मर्यादा लादल्यानंतर क्रेडिट कार्डचा गैरवापर होणार नाही.

HDFC बँक CRED, Paytm, Cheq आणि MobiKwik सारख्या थर्ड पार्टी ॲप्सद्वारे शैक्षणिक पेमेंट करण्यासाठी कोणतेही रिवॉर्ड पॉइंट देणार नाही. तसेच शाळा किंवा महाविद्यालयाच्या वेबसाइट किंवा POS मशीनद्वारे थेट फी भरल्यास रिवॉर्ड पॉइंट दिले जातील. 1 ऑगस्टपासून लागू झालेल्या शुल्क भरणा नियमांनुसार थर्ड पार्टी ॲप्सद्वारे केलेल्या व्यवहारांवर 1 टक्के शुल्क वसूल केले जात आहे.