Health Tips | पिळदार आणि व्यायामाने (Exercise) कमावलेले शरीर हे पुरुषांच्या (Men) भारदस्त व्यक्तिमत्त्वात (Strong Personality) भर घालते. पुरुषांचे शरीर पिळदार दिसण्यात महत्त्वाची भूमिका बजावतात ते स्नायू (Muscles). पुरुषांच्या शरीरावर स्नायूंऐवजी मांस (Fat) जास्त असेल तर त्यांचे शरीर आकर्षक (Attractive) न दिसता बेढब (Shapeless) दिसू लागते. इतकेच नव्हे तर शरीरात योग्य प्रमाणात स्नायूंची वाढ (Muscle Growth) न झाल्यास शारीरिक कार्यातही (Physical Activities) अनेक अडचणी येतात. उदाहरणार्थ, फिट (Fit) असलेला माणूस ४ मजले (Floors) सहज चढून जाऊ शकतो. तर स्थूल (Obese) व्यक्तीला दुसरा मजला चढतानाच दम (Tired) लागतो. त्यामुळे स्नायू हे फक्त दिसण्यातच नाही तर विविध प्रकारांनी तुमच्या आरोग्याच्या (Health) फायद्याचे ठरू शकतात.

सध्या स्नायू किंवा मसल्स (Muscles) बनवण्यासाठी अनेक तरुण प्रोटीन पावडर (Protein Powder) खातात. मात्र, या प्रोटीन पावडरचे शरीरावर दूरगामी परिणाम (Side Effects) होऊ शकतात. म्हणूनच आज आम्ही तुम्हाला अशा ५ पदार्थांची नावे सांगणार आहोत, ज्यामुळे तुम्हाला मसल्स बनवणे सोपे जाईल आणि मुख्य म्हणजे या पदार्थांचे दुष्परिणाम तुमच्या शरीरावर होणार नाहीत.

१. बदाम स्नायू आणि हाडांसाठी फायदेशीर

बदाम हे स्नायूंच्या वाढीसाठी फायदेशीर मानले जातात. बदाम खाल्ल्याने स्नायू आणि हाडे मजबूत व्हायला मदत होते. बदाम खाल्ल्यामुळे स्नायूंचे नुकसान (Muscle Damage) कमी होते. बदामामध्ये फायबरचे (Fiber) प्रमाणही जास्त असते, ज्यामुळे दिवसभर पोट भरलेले राहते. यामुळे वजनही (Weight) कमी व्हायला मदत होते. जर तुमच्या शरीरात मांसपेशी वाढत नसतील तर रोज १० ते १२ भिजवलेले (Soaked) बदाम खाल्ल्याने स्नायूंची चांगली वाढ होऊ शकते.

२. अंडी आणि चिकन प्रथिनांचा उत्तम स्रोत

जर तुम्ही मांसाहारी असाल तर अंडी आणि चिकन हा तुमच्यासाठी प्रथिनांचा सर्वोत्तम स्रोत आहे. तुम्ही व्यायाम करत असाल आणि तुम्हाला मसल्स वाढवायचे असतील, तर रोज तुम्ही ३ ते ४ उकडलेली (Boiled) अंडी खाऊ शकता. मात्र, अंडे खाताना त्यातला पिवळा बलक खाणे टाळा. यामुळे तुमचे वजन वाढणार नाही. स्नायूंच्या वाढीसाठी अंडी खूप फायदेशीर असल्याचे अनेक संशोधनातून  सिद्ध झाले आहे. चिकनमध्येही प्रथिने मोठ्या प्रमाणात आढळून येतात. त्यामुळे शरीराला योग्य त्या प्रमाणात प्रथिने मिळू शकतात.

३. कडधान्ये प्रथिनांसह अनेक पोषक तत्वांचा समावेश

कडधान्यांमध्ये प्रथिने चांगल्या प्रमाणात आढळून येतात. त्यामुळे रोजच्या आहारात कडधान्यांचे सेवन केल्यास स्नायूंना बळकटी मिळू शकते. राजमा, हरभरे, वाटाणे यांचा समावेश तुम्ही जेवणात करू शकता. कडधान्यांमध्ये प्रथिनांशिवाय फायबर्स, अनेक प्रकारची खनिजे  कॅल्शियम, मॅग्नेशियमआणि फॉस्फरस (Phosphorus) सारखे घटक असतात जे स्नायूंच्या वाढीस फायद्याचे ठरतात.

४. डाळी: प्रथिनांचा मुबलक स्रोत

कडधान्ये आणि बियांप्रमाणे डाळींमध्येही चांगल्या प्रमाणात प्रथिने आढळून येतात. मसूर डाळ (Lentils) ही सर्वात जास्त पौष्टिक आणि प्रथिनांनी समृद्ध मानली जाते. अर्धा कप मसूर डाळीतून साधारण ९ ग्रॅमपर्यंत प्रथिने मिळतात. यावरूनच त्यात असलेल्या प्रथिनांची विपुलता दिसून येते. याशिवाय मसूर डाळीमध्ये कर्बोदके (Carbohydrates), जीवनसत्त्वे (Vitamins) आणि खनिजे देखील चांगल्या प्रमाणात आढळून येतात.