मोठी बातमी! इतिहास अभ्यासक इंद्रजीत सावंतांना घरात घुसून मारण्याची धमकी

February 25, 2025

Indrajit Sawant | कोल्हापूर (Kolhapur) शहरातील प्रसिद्ध इतिहास अभ्यासक इंद्रजीत सावंत (Indrajit Sawant) यांना एका अज्ञात व्यक्तीने मोबाइलवरून गंभीर धमकी दिली आहे. धमकी देणाऱ्याने अत्यंत अपमानास्पद भाषेत संवाद साधला, शिवीगाळ केली आणि घरात घुसून मारण्याची धमकी दिल्याचे सावंत (Indrajit Sawant) यांनी सांगितले. या घटनेमुळे शैक्षणिक आणि सामाजिक क्षेत्रात एकच खळबळ उडाली आहे.

धमकी आणि सावंतांची प्रतिक्रिया

इंद्रजीत सावंत (Indrajit Sawant) यांनी धमकीची रेकॉर्डिंग सार्वजनिक केली आहे. सोशल मीडियावर मोठ्या प्रमाणात प्रसारित झालेल्या या रेकॉर्डिंगमध्ये धमकी देणारा माणूस अत्यंत असभ्य आणि अपमानास्पद भाषा वापरताना ऐकू येतो. ब्राह्मण समुदायाबद्दल (Brahmin community) चुकीची माहिती पसरवण्याचा आरोप करत तो सावंत यांच्यावर जमून शिवीगाळ करतो. धमकी देणाऱ्या व्यक्तीने स्वतःची ओळख नागपूरचा (Nagpur) प्रशांत कोरटकर (Prashant Kortkar) अशी दिली आहे. या धमकीनंतर सावंत यांनी आपली भूमिका स्पष्ट करत, या प्रकरणावर सडेतोड प्रतिक्रिया व्यक्त केली आहे.

प्रशांत कोरटकर (Prashant Kortkar) यांचे नाव घेत एका परशुरामी ब्राह्मणाने धमकी दिली असल्याचा आरोप सावंत यांनी केला आहे. सावंत यांनी या धमकीला भीक न घालता, या प्रवृत्तीविरुद्ध आवाज उठवला असून या भ्याड धमक्यांना घाबरत नसल्याचे त्यांनी सोशल मीडियावर स्पष्ट केले आहे. या संदर्भात त्यांनी अधिकृत तक्रार नोंदवण्याची प्रक्रिया सुरू केली असून, पोलिसांकडे या प्रकरणाची सखोल चौकशी करण्याची मागणी केली आहे.

कोरटकरांचे खंडन आणि स्पष्टीकरण

दुसरीकडे, प्रशांत कोरटकर (Prashant Kortkar) यांनी इंद्रजीत सावंत (Indrajit Sawant) यांना धमकी देण्याच्या आरोपांचे खंडन केले आहे. त्यांच्या म्हणण्यानुसार, कोणीतरी त्यांच्या नावाचा आणि आवाजाचा दुरुपयोग करत आहे. कोरटकर यांनी स्पष्ट केले की, ते गेल्या 25 वर्षांपासून पत्रकारिता करत आहेत आणि त्यांनी नेहमीच सत्य आणि सलोख्याला महत्व दिले आहे. त्यामुळे, अशा प्रकारे कोणालाही धमकी देणे त्यांच्या विचारसरणीच्या विरुद्ध आहे. या घटनेमुळे त्यांना धक्का बसल्याचेही त्यांनी सांगितले. (Indrajit Sawant)

आधुनिक तंत्रज्ञानाचा वापर करून आवाज बदलला जाऊ शकतो, या शक्यतेकडे प्रशांत कोरटकर (Prashant Kortkar) यांनी लक्ष वेधले आहे. या प्रकरणी सखोल चौकशी व्हावी अशी मागणी त्यांनी केली आहे. सायबर गुन्हे शाखेकडे (Cyber Crime Branch) तक्रार करणार असल्याचे प्रशांत कोरटकर यांनी माध्यमांना सांगितले असून, या प्रकरणातील सत्य लवकर समोर यावे अशी अपेक्षा व्यक्त केली आहे.