बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

राज्यात 4 दिवस पावसाचा इशारा; अरबी समुुद्रातलं ‘तोक्ते’ चक्रीवादळ ‘या’ किनारपट्टीवर धडकणार

मुंबई | पुढील चार दिवसात कोकण किनारपट्टीवर ‘तोक्ते’ चक्रीवादळ धडकणार असून, या कालावधीत ताशी 50 किलोमीटर वेगाने वारे वाहण्याची शक्यता आहे. येत्या आठवड्यात अरबी समुद्रात चक्रीवादळ धडकणार असल्याचा इशारा हवामान विभागानं दिला आहे. त्यामुळे अरबी समुद्रात कमी दाबाचे क्षेत्र निर्माण झाले आहे. त्यामुळे पुढील 24 तासांत त्याचे चक्रीवादळात रुपांतर होईल, असं हवामान खात्याकडून सांगण्यात आलं आहे.

महाराष्ट्राच्या किनारपट्टी परिसरात 15 ते 17 मे दरम्यान मध्यम ते मुसळधार पाऊस पडू शकतो, असा अंदाज हवामान विभागाने वर्तवला आहे. तर कोकण आणि घाट परिसरात अतिवृष्टीचा इशारा देण्यात आला आहे. तर राज्याच्या बहुतांश भागात पावसाचा अंदाज वर्तवण्यात आला आहे. तर या आधी 14 मे पासून पुर्व मोसमी पावसाचा इशारा देण्यात आला होता.

हवामान खात्याच्या अंदाजानुसार, या कालावधीत रत्नागिरी व सिंधुदुर्ग जिल्ह्यात ताशी 40 ते 50 किलोमीटर वेगाने वारे वाहण्याची शक्यता आहे. सद्यःस्थितीत हे चक्रीवादळ पाकिस्तानच्या कराची जवळील समुद्रकिनाऱ्यावर जमिनीवर पोहोचेल असा अंदाज आहे. तर हे चक्रीवादळ गुजरातच्या किनारपट्टीवर धडकण्याची शक्यता देखील वर्तवण्यात येत आहे. रत्नागिरी जिल्ह्यात 15 ते 16 या दोन तारखे दरम्यान पुढे सरकण्याची शक्यता आहे.

दरम्यान, समुद्रकिनाऱ्यापासून पाच किलोमीटरपर्यंत राहणाऱ्या गावांना संभाव्य चक्रीवादळाचा इशारा दवंडी द्वारे द्या, असे निर्देश जिल्हाधिकारी लक्ष्मी नारायण मिश्रा यांनी दिले.

थोडक्यात बातम्या-

लजास्पद! ऑक्सिजनसाठी सेक्सची मागणी; सोशल मीडियावर संतापाची लाट

देशातील कोरोना रूग्णसंख्येत घट, पण मृतांचा आकडा चिंताजनक

लशींच्या तुटवड्याला फक्त नरेंद्र मोदी जबाबदार; लसीकरणावरून असदुद्दीन ओवेसी यांची टीका, म्हणाले…

ऐकावं ते नवलच! फॅार्च्युनर गाडीतून वांग्यांची विक्री, पाहा व्हायरल व्हिडीओ-

“गाय मालकावर नाराज झाली, तरी ती खाटीकाच्या घरी जात नाही; आम्ही मोदींसोबत आहोत”

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More