Top News

सिंचन घोटाळ्यात मी आरोपी नाही- अजित पवार

मुंबई | सिंचन घोटाळ्याच्या कोणत्याही एफआयआर अथवा आरोपपत्रांमध्ये मला आरोपी केलेलं नाही. त्यामुळे या घोटाळ्यात मी आरोपी नाही, मला आरोपी ठरविता येणार नाही. माझ्याविरुद्ध गुन्हा दाखल करण्याचे आदेश न्यायालयाला देता येणार नाही, असं परखड शपथपत्र मंगळवारी उपमुख्यमंत्री अजित पवार यांनी मंगळवारी मुंबई हायकोर्टाच्या नागपूर खंडपीठासमोर सादर केलं.

मंत्री म्हणून कर्तव्य बजावताना मी कोणत्याही भ्रष्ट अथवा बेकायदा कृत्यात सहभागी झालेलो नाही. मंत्री आणि व्हीआयडीसीचा माजी अध्यक्ष या नात्याने मी सर्व नियमांचे पालन करूनच सार्वजनिक कर्तव्ये पार पाडली आहेत, असंही शपथपत्रात अजित पवार यांनी म्हटलं आहे.

सिंचन घोटाळा प्रकरणी सीबीआय चौकशी करण्यात यावी, अशी मागणी कंत्राटदार अतुल जगताप यांनी केली आहे. तर जनमंचने याप्रकरणाची चौकशी न्यायालयीन आयोगाकडे सोपविण्याची विनंती करणारे अर्ज हायकोर्टात सादर केले आहेत. त्यावर उत्तर सादर करताना अजित पवार यांनी अत्यंत परखड आणि सर्व आरोप फेटाळणारे शपथपत्र दाखल केलं आहे.

दरम्यान, अतुल जगताप यांना न्यायदंडाधिकाऱ्यांकडे दाद मागण्याचा पर्यायी मार्ग उपलब्ध असताना त्यांनी थेट हायकोर्टात याचिका दाखल केली आहे. त्यामुळे त्यांची याचिका निकाली काढण्यात यावी, असंही पवार यांनी म्हटलं आहे.

ठळक बातम्या-

…म्हणून उद्धव ठाकरेंची भेट न घेता अजित पवरांची भेट घेतली- शर्मिला ठाकरे

शरद पवार हे ‘जाणता राजा’च आहेत; आव्हाडांच्या वक्तव्याचं सुशीलकुमार शिंदेंकडूनही समर्थन

सगळीकडून टीका होतेय म्हणून भाजप ‘जाणता राजा’चा मुद्दा उकरत आहेत- रुपाली ठोंबरे पाटील

महत्वाच्या बातम्या-

 

 

 

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या