मुंबई | सध्या नागपूरात हिवाळी अधिवेशन सुरू आहे. या अधिवेशनात विरोधकांनी सत्ताधाऱ्यांची चांगलीच कोंडी केल्याचे पाहायला मिळाले. त्यातच विरोधी पक्षनेते अजित पवार(Ajit Pawar) यांनी अमृता फडणवीसांचं(Amruta Fadnvis) नाव घेत उपमुख्यमंत्री देवेंद्र फडणवीस(Devendra Fadnvis) यांना टोला लगावला आहे.
रखडलेल्या मंत्रीमंडळाच्या विस्तारावरून पवारांनी फडणवीसांना सुनावलं आहे. या मुद्द्यावरून भाषण करताना अजित पवार म्हणाले की, भाजपला महिलांची मत मिळाली आहेत, परंतु सहा महिन्यात त्यांना एक महिला मिळेना मंत्री करायला, हा कुठला कारभार आहे?, असा सवालही त्यांनी यावेळी उपस्थित केला.
मी आता येऊन वहिनींनाच सांगणार आहे की, बघा त्यांच्याकडं रात्री. कारण त्यांनी मनावर घेतलं तर लगेच एखादी महिला मंत्री होईल, याची मला खात्री आहे, असा टोला त्यांनी फडणवीसांना भाषणादरम्यान लगावला.
देवेंद्रजींना काही विचारलं तर म्हणतात शिंदेंची परवानगी आणा आणि मुख्यमंत्र्यांना विचारलं की म्हणतात देवेंद्रजींनी सांगितलं की मी केलं, अशी नुसती टोलवाटोलवी सुरू आहे, असंही अजित पवार यावेळी म्हणाले.
दरम्यान, मंगळवारी प्रश्नोत्तराच्या तासाला मुख्यमंत्री एकनाश शिंदे अनुपस्थित असल्याच्या मुद्द्यावरूनही अजित पवारांनी फडणवीसांना टोला लगावला होता .
महत्वाच्या बातम्या-
- ‘उद्या गाढव सत्तेत आलं तरी …’, प्रकाश आंबेडकरांचं मोठं वक्तव्य
- कोरोनाबाबत अत्यंत महत्वाची अपडेट समोर
- अनिल देशमुखांच्या जामीनाबाबत सर्वोच्च न्यायालयाचा मोठा निर्णय!
- …म्हणून दीपिका-सलमान आजपर्यंत चित्रपटात एकत्र आले नाहीत
- ‘सुशांतच्या आत्महत्येमागं मोठं षडयंत्र आहे’, आणखी एका व्यक्तीचा दावा