महाराष्ट्र मुंबई विधानसभा निवडणूक 2019

महाराष्ट्र नवनिर्माण सेनेची आज महत्वपूर्ण बैठक; आज निवडणूक लढण्यावर निर्णय?

Loading...

मुंबई : आगामी विधानसभा निवडणुकीच्या पार्श्वभूमीवर महाराष्ट्र नवनिर्माण सेनेचे प्रमुख राज ठाकरे यांनी आज महत्त्वाची बैठक बोलावली आहे. या बैठकीला मनसेच्या सर्वच पदाधिकाऱ्यांना उपस्थित राहण्याचे आदेश देण्यात आले आहेत. त्यामुळे राज ठाकरे विधानसभा निवडणुकीबाबत काय निर्णय घेणार हे पाहणे औत्सुक्याचं ठरणार आहे.

राज ठाकरेंनी लोकसभा निवडणूक न लढता राज्यभरात भाजपच्या विरोधात प्रचार केला होता. त्यावेळी मनसे लोकसभेत शक्ती खर्च न करता विधानसभेवर लक्ष केंद्रीत करेल, असा अंदाज वर्तवला गेला होता. मात्र काही दिवसांपूर्वीच मनसेत विधानसभा निवडणूकही न लढण्याचा सूर पाहायला मिळाला.

Loading...

मनसेच्या मागील बैठकीत राज ठाकरेंनी निवडणूक न लढण्याबाबत सूर व्यक्त केला. त्यानंतर पदाधिकाऱ्यांनीही राज ठाकरेंच्या सुरात सूर मिसळला. विशेष म्हणजे स्वतःकडील पैसे जपून वापरा. देशाची आर्थिक स्थिती यापुढे अत्यंत बिकट होईल, असा सल्लाही राज ठाकरेंनी पदाधिकाऱ्यांना दिल्याचं बोललं गेलं.

दरम्यान, आज होणाऱ्या बैठकीत मनसेची अधिकृत भूमिका जाहीर होण्याची शक्यता आहे.

Loading...

महत्वाच्या बातम्या- 

Loading...

 

Loading...
Loading...

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या