Heart Blockage | बदलती जीवनशैली, कामाचा वाढता ताण आणि इतर अनेक कारणांमुळे आजकाल गंभीर आजारांचे प्रमाण वाढले आहे. हृदयविकार (Heart Disease) ही एक सामान्य समस्या बनली आहे. हृदयाचे वरपासून खालपर्यंत जाणारे ठोके हा हृदयाशी संबंधित आजारांचा एक प्रकार आहे. या समस्येचे गंभीर रूप म्हणजे हृदयविकाराचा झटका (Heart Attack) येणे. अलीकडच्या काळात हृदयविकाराचा झटका येण्याचे प्रमाण लक्षणीय वाढले आहे. हार्ट ब्लॉकेज (Heart Blockage) ही अशीच एक स्थिती आहे जी हृदयविकाराचा धोका वाढवू शकते. कोणत्या वयोगटातील लोकांना याचा सर्वाधिक धोका आहे? चला जाणून घेऊया.

हार्ट ब्लॉकेज म्हणजे हृदयाला होणारा रक्तपुरवठा (Blood Supply) खंडित होणे. यामध्ये हृदयाचे ठोके मंदावतात आणि काही वेळा अचानक थांबतात. रक्तवाहिन्यांमध्ये (Blood Vessels) जमा होणारा प्लेक (Plaque) अर्थात खराब कोलेस्टेरॉल (Bad Cholesterol) हे हार्ट ब्लॉकेजचे प्रमुख कारण आहे. वाढलेले खराब कोलेस्टेरॉल हृदयाला पुरेसा ऑक्सिजन आणि पोषण पुरवू शकत नाही. यामुळे हृदयाच्या धमन्यांमध्ये अडथळा निर्माण होतो आणि हृदयविकाराचा झटका येऊ शकतो.  काही रिपोर्टनुसार, पोटॅशियम (Potassium) वाढल्याने देखील हृदयात अडथळा निर्माण होऊ शकतो.

हार्ट ब्लॉकेजसाठी कारणीभूत घटक

हार्ट ब्लॉकेजसाठी अनेक घटक कारणीभूत ठरू शकतात. वाढलेले खराब कोलेस्टेरॉल हे प्रमुख कारण आहेच, पण याशिवाय वाढते वय, जाड रक्त, आणि बदलती जीवनशैली हे घटक देखील महत्त्वाची भूमिका बजावतात. वाढत्या वयाबरोबर हृदय आणि रक्तवाहिन्या कमकुवत होतात, ज्यामुळे हार्ट ब्लॉकेजचा धोका वाढतो. ज्या लोकांचे रक्त जाड असते त्यांनाही हार्ट ब्लॉकेजचा त्रास होऊ शकतो.

40 ते 50 वयोगटातील लोकांना हार्ट ब्लॉकेजचा सर्वाधिक धोका असतो. या लोकांना रात्रीच्या वेळी सर्वाधिक त्रास होतो, ज्यामुळे रात्रीच्या वेळी मृत्यूचे प्रमाण वाढते.

हार्ट ब्लॉकेजची लक्षणे ओळखा

हार्ट ब्लॉकेजची लक्षणे वेळीच ओळखणे अत्यंत गरजेचे आहे. ही लक्षणे दिसल्यास त्वरित डॉक्टरांचा सल्ला घ्यावा.

छातीत वेदना होणे
अति थकवा जाणवणे
श्वास घेण्यास त्रास होणे
हृदयाचे ठोके अचानक वाढणे
जलद श्वास घेणे
मळमळ किंवा अस्वस्थता वाटणे
चक्कर येणे आणि बेशुद्ध पडणे

Title: increasing risk of heart blockage