Cricketer Dies l क्रिकेटप्रेमींसाठी एक वाईट बातमी आहे. राज्यातील संभाजीनगर जिल्ह्यात खेळल्या गेलेल्या क्रिकेट सामन्यादरम्यान एका 35 वर्षीय क्रिकेटपटूचे दुःखद निधन झाले आहे. २८ नोव्हेंबर रोजी पुण्यातील गरवारे स्टेडियममध्ये सुरू असलेल्या सामन्यात ही धक्कादायक घटना घडली आहे. मात्र आता या घटनेमुळे सर्वत्र शोककळा पसरली आहे.

नेमकं काय घडलं? :

यासंदर्भात अधिक माहिती अशी की, गरवारे स्टेडियममध्ये क्रिकेट सामना खेळत असताना खेळाडू इम्रान पटेल या क्रिकेटपटूचे निधन झाले. यावेळी खेळाडूला हृदयविकाराच्या झटका आला आहे. गरवारे येथे लकी बिल्डर्स आणि डेव्हलपर्स आणि यंग इलेव्हन या सामन्यादरम्यान ही घटना घडली आहे.

यावेळी खेळाडू इम्रान लकी या सामन्यातील संघाचा कर्णधार होता आणि सलामीवीर म्हणून इम्रान लकी हा फलंदाजीला आला होता. यावेळी इम्रान लकी फलंदाजी करताना त्याने तुफानी खेळीला सुरवात केली होती. त्यावेळी खेळाडूने खेळपट्टीवर काही वेळ घालवल्यानंतर त्याच्या छातीत आणि हातामध्ये तीव्र वेदना होऊ लागल्या. यावेळी त्याने पंचाला माहिती देखील दिली. यानंतर पंचांनी त्याला मैदान सोडण्याची परवानगी देखील दिली.

Cricketer Dies l डॉक्टरांनी मृत घोषित केले :

पंचांच्या परवानगीनंतर इम्रान तातडीने पॅव्हेलियनच्या दिशेने निघाला होता आणि अचानक तो मैदानात बेशुद्ध पडला. यावेळी लोकांनी त्याला मदत करण्याचा प्रयत्न देखील केला आणि तातडीने त्याला रुग्णालयात नेले. मात्र हॉस्पिटमध्ये नेताच इम्रानला रुग्णालयात मृत घोषित करण्यात आले.

यावेळी ही संपूर्ण घटना कॅमेऱ्यात कैद झाली आहे. कारण या सामन्याचे लाईव्ह प्रक्षेपण सुरू होते. या घटनेचा व्हिडिओ सध्या सोशल मीडियावर तुफान व्हायरल होत आहे.