Instagram | इंस्टाग्राम (Instagram) वापरकर्त्यांसाठी एक आनंदाची बातमी आहे. आता इंस्टाग्रामवर वापरकर्त्यांना ‘डिसलाइक’ (Dislike) बटण मिळणार आहे. या सुविधेमुळे, वापरकर्ते त्यांना न आवडणाऱ्या पोस्ट किंवा कमेंट्स डिसलाइक (Dislike) करू शकतील.

इंस्टाग्राम वापरकर्त्यांकडून बऱ्याच दिवसांपासून या फीचरची मागणी केली जात होती. वापरकर्त्यांना एखादी पोस्ट आवडली नाही, तर ती व्यक्त करण्यासाठी कोणताही पर्याय उपलब्ध नव्हता. केवळ ‘लाइक’ (Like) बटण असल्याने, वापरकर्त्यांना नापसंती दर्शवण्यासाठी कमेंट्सचा आधार घ्यावा लागत होता.

नवीन ‘डिसलाइक’ बटन येणार

नवीन ‘डिसलाइक’ (Dislike) बटण आल्यामुळे, वापरकर्त्यांना आता पोस्ट किंवा कमेंट आवडली नाही, तर ते थेट डिसलाइक (Dislike) करू शकतील. हे बटण कमेंट विभागात दिसेल.

इंस्टाग्रामचे हे नवीन फीचर यूट्यूबच्या (YouTube) ‘डिसलाइक’ (Dislike) बटणाप्रमाणे काम करेल. म्हणजेच, एखाद्या पोस्ट किंवा कमेंटला किती डिसलाइक्स (Dislikes) मिळाले, हे इतरांना दिसणार नाही. केवळ पोस्ट करणाऱ्या व्यक्तीलाच डिसलाइक्सची (Dislikes) संख्या पाहता येईल.

या नवीन फीचरमुळे इंस्टाग्राम वापरकर्त्यांना अधिक चांगला अनुभव मिळेल, अशी अपेक्षा आहे. तसेच, अनावश्यक ट्रोलिंग आणि नकारात्मक कमेंट्सना आळा बसेल, असा विश्वास कंपनीला आहे.

News Title : Instagram Introduces Dislike Button