बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

महावीर जयंतीचा कार्यक्रम रद्द करून जैन समाज कोरोनाग्रस्तांच्या उपचारासाठी निधी देणार

औरंगाबाद | राज्यात कोरोना रूग्णांच्या संख्येत दिवसेंदिवस वाढ होताना दिसून येत आहे. शनिवारी दिवसभरात 12 रूग्णांची भर पडून ही संख्या आता 31 वर पोहचली आहे. याच पार्श्वभूमीवर जैन समाजाने मोठा निर्णय घेतला आहे. यावर्षीचा महावीर जयंतीचा कार्यक्रम रद्द करून जैन समाज कोरोनाग्रस्तांच्या उपचारासाठी निधी देणार आहे.

दरवर्षी मोठ्या उत्साहामध्ये औरंगाबादेत महावीर जयंतीचा कार्यक्रम पार पडतो. मात्र यंदाच्या जयंतीवर कोरोनाचं सावट असल्याने जयंतीचा कार्यक्रम रद्द करून तोच निधी कोरोनाग्रस्तांच्या उपचारासाठी देण्याचा निर्णय जैन समाजाने घेतला असल्याची माहिती राजेंद्र दर्डा यांनी दिली आहे.

शहरातील शोभायात्रा, महाप्रसाद, सांस्कृतिक कार्यक्रम रद्द केले गेले आहेत. गर्दी टाळण्याचं आवाहन देखील प्रशासनाने केलं आहे. त्याच पार्श्वभूमीवर प्रशासनाना सहकार्य करण्याचं आवाहन जैन समाजाने केलं आहे.

दरम्यान, राज्यातील व्यायामशाळा, चित्रपटगृह, नाटयगृह तसंच शाळा महाविद्यालयं बंद ठेवण्यात आलेले आहेत. तसंच कोरोनाग्रस्तांच्या उपचाराचा खर्च राज्य शासनाने देखील उचलला आहे.

ट्रेंडिंग बातम्या-

‘कोरोना’बाबत खबरदारी! बस कंडक्टरने प्रवाश्यांना वाटले मास्क

16 मार्चला ठरणार कमलनाथ सरकारचं भवितव्य

महत्वाच्या बातम्या-

इराणमध्ये अडकलेले 236 भारतीय मायदेशी परतले

मध्य प्रदेशनंतर ‘या’ राज्यात काँग्रेसला धास्ती; 14 आमदारांची जयपूरला रवानगी

कोरोनामुळे मुंबईतील आयआयटीचे वर्ग, प्रयोगशाळा 29 मार्चपर्यंत बंद

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More