Jio l जर तुम्ही जिओचे (Jio) ग्राहक असाल तर ही बातमी तुमच्यासाठी महत्त्वाची आहे. आता तुम्हाला तुमच्या मोबाईल प्लॅनसाठी (Mobile Plan) अधिक पैसे मोजावे लागणार आहेत. कारण जिओने आपल्या एका लोकप्रिय प्लॅनमध्ये बदल केला असून, त्याची किंमत वाढवली आहे.

भारतातील सर्वात मोठी दूरसंचार कंपनी (Telecom Company) असलेल्या जिओने आपल्या १९९ रुपयांच्या पोस्टपेड प्लॅनमध्ये (Postpaid Plan) बदल केला आहे. या प्लॅनचा लाभ घेणाऱ्या वापरकर्त्यांना आता २३ जानेवारी २०२५ पासून २९९ रुपयांच्या प्लॅनमध्ये स्थलांतरित केले जाईल. म्हणजेच, आता त्यांना दरमहा जवळपास १०० रुपये अधिक द्यावे लागणार आहेत.

२९९ रुपयांच्या प्लॅनचे फायदे :

२९९ रुपयांच्या प्लॅनमध्ये अमर्यादित कॉलिंग (Unlimited Calling) आणि २५ जीबी डेटा (25 GB Data) मिळेल. जर तुम्ही २५ जीबी पेक्षा जास्त डेटा वापरला तर तुम्हाला प्रति जीबी १० रुपये शुल्क आकारले जाईल.

१९९ रुपयांच्या प्लॅनच्या तुलनेत हा प्लॅन थोडा महागडा आहे, पण इतर फायदे जवळपास सारखेच राहतील. सर्वात मोठा बदल म्हणजे आता तुम्हाला दरमहा १०० रुपये अधिक मोजावे लागतील. यामुळे तुमच्या बजेटवर (Budget) परिणाम होऊ शकतो.

नवीन वापरकर्त्यांसाठीचा प्लॅन :

जर तुम्हाला नवीन जिओ पोस्टपेड (Jio Postpaid) प्लॅन घ्यायचा असेल तर तुम्हाला २९९ रुपयांचा प्लॅन मिळणार नाही. नवीन वापरकर्त्यांसाठीचा बेसिक प्लॅन (Basic Plan) आता ३४९ रुपयांपासून सुरू होतो.

या प्लॅनमध्ये तुम्हाला ३० जीबी डेटा (299 रुपयांच्या प्लॅनपेक्षा ५ जीबी अधिक) मिळेल आणि जिथे 5G उपलब्ध असेल तिथे अमर्यादित 5G डेटा (Unlimited 5G Data) वापरता येईल.

News Title : Jio Postpaid Plan Price Hike