'शिवसेना नव्हे ही तर औरंगजेब सेना'; भाजपचा सेनेवर निशाणा

मुंबई | शिवसेनेचं संभाजीनगरबद्दल धोरण पाहिलं तर औरंगजेबाच्या वृत्तीची आठवण येते, ही शिवसेना नसून औरंगजेबची सेना आहे, अशी टीका भाजप प्रवक्ते केशव उपाध्ये यांनी केली आहे. पत्रकार परिषदेत ते बोलत होते.

शिवसेनेची बोलायची भाषा एक आणि ज्या ज्या वेळी प्रत्यक्ष कृती करायची वेळ येते तेव्हा शिवसेना औरंगजेबाप्रमाणे वागत असल्याचं म्हणत केशव उपाध्ये यांनी शिवसेनेवर निशाणा साधला.

भाजप सरकारच्या काळात मुख्यमंत्री देवेंद्र फडणवीस होते. तेव्हा 5 जुलै 2017, 7 ऑगस्ट 2018, 22 नोव्हेंबर 2011 मध्ये तीन पत्र औरंगाबाद शहराचे संभाजीनगर नामांतरण करण्यासाठी प्रस्ताव पाठवावा असं महापालिकेला पाठवला. मात्र त्यावेळी शिवसेना नेत्यांनी प्रस्ताव देऊ नका अस बजावलं असल्याचं उपाध्ये म्हणाले.

दरम्यान, केशव उपाध्ये यांनी 1995 मध्ये औरंगाबाद महापालिकेत संभाजीनगर नामंतर करण्याचा प्रस्ताव आला असल्याचं सांगितलं. त्यानंतर कशाप्रकारे हा प्रस्ताव फेटाळलं असल्याचं परिषदेत सविस्तरपणे सांगितलं.