Kiara Advani-Sidharth Malhotra | बॉलिवूडचे (Bollywood) लोकप्रिय जोडपे कियारा अडवाणी (Kiara Advani) आणि सिद्धार्थ मल्होत्रा (Sidharth Malhotra) यांनी चाहत्यांना आनंदाची बातमी दिली आहे. लवकरच ते आई-बाबा होणार असल्याची माहिती त्यांनी सोशल मीडियावर (Social Media) दिली आहे. (Kiara Advani-Sidharth Malhotra)

बाळाच्या आगमनाची चाहूल

कियाराने इन्स्टाग्राम (Instagram) अकाऊंटवर बाळाच्या पायातील मोज्यांचा फोटो पोस्ट केला आहे. कियारा आणि सिद्धार्थच्या हातात हे मोजे दिसत आहेत. या फोटोच्या कॅप्शनमध्ये तिने लिहिले आहे, ‘आमच्या आयुष्यातील सर्वांत मोठी भेट लवकरच येत आहे…’

चाहत्यांकडून शुभेच्छांचा वर्षाव

कियाराने हा फोटो पोस्ट करताच चाहत्यांनी शुभेच्छांचा वर्षाव करण्यास सुरुवात केली. गेल्या महिन्यात कियारा आजारी असल्याच्या बातम्या आल्या होत्या. तिला रुग्णालयात दाखल केल्याचेही बोलले जात होते. त्यामुळे ती ‘गेम चेंजर’ (Game Changer) या चित्रपटाच्या ट्रेलर लाँच कार्यक्रमाला उपस्थित राहू शकली नव्हती.

‘लस्ट स्टोरीज’मुळे (Lust Stories) जुळले प्रेमबंध

कियारा आणि सिद्धार्थची पहिली भेट ‘लस्ट स्टोरीज’ या चित्रपटाच्या रॅप अप पार्टीत झाली होती. या भेटीनंतर त्यांची मैत्री झाली आणि कालांतराने मैत्रीचे रूपांतर प्रेमात झाले. २०१९ मध्ये त्यांच्या डेटिंगच्या (Dating) चर्चांना उधाण आले होते. (Kiara Advani-Sidharth Malhotra)

कुटुंबीयांच्या भेटीनंतर लग्नबंधनात

२०२१ मध्ये कियारा आणि सिद्धार्थने एकमेकांच्या कुटुंबीयांची भेट घेतली. कियाराने सिद्धार्थ आणि त्याच्या आईवडिलांना घरी जेवायला बोलावले होते. यानंतर, दोन्ही कुटुंबीयांनी त्यांच्या लग्नाला परवानगी दिली. फेब्रुवारी २०२३ मध्ये राजस्थानमधील (Rajasthan) जैसलमेरमध्ये (Jaisalmer) त्यांनी लग्न केले.

Title : Kiara Advani-Sidharth Malhotra Announce Pregnancy