लक्षणं नसलेल्या रूग्णांकरिता कोल्हापूर महापालिकेने घेतला मोठा निर्णय

By Thodkyaat On July 23, 2020 10:48 am

कोल्हापूर | राज्यात कोरोनाग्रस्त रूग्णांची संख्या दिवसेंदिवस वाढतेय. याच पार्श्वभूमीवर कोल्हापूर महानगरपालिकेने एक मोठा आणि महत्त्वाचा निर्णय घेतला आहे. या निर्णयानुसार ज्या व्यक्तींना कोरोनाची लक्षणं नाहीयेत त्या पॉझिटिव्ह रुग्णांवर घरीच उपचार केले जाणार आहेत. त्यादृष्टीने खासगी रुग्णालयांना निर्देश देण्यात आले असून लक्षणं नसलेल्या पॉझिटिव्ह रुग्णांवर त्यांच्या देखरेखीखाली उपचार होतील.

कोल्हापूर महानगरपालिकेने या निर्णयाची अंमलबजावणीही सुरु केली आहे. सध्याच्या घडीला दोन कोरोना पॉझिटिव्ह रुग्णांवर त्यांच्या घरीच उपचार सुरु आहेत. यासाठी संबंधित रुग्णाच्या घरी स्वतंत्रपणे राहण्याची व्यवस्था असणे गरजेचं आहे.

आता आगामी काळात हा निर्णय कितपत यशस्वी ठरतो, हे देखील पाहावं लागणार आहे. त्याशिवाय कोल्हापूरप्रमाणे राज्याच्या इतर भागातही अशा प्रकारची व्यवस्था राबवली जाणार का, हे पाहणंही महत्त्वाचं ठरणार आहे.

बुधवारी राज्यात कोरोनाचे सर्वाधिक 10,576 रुग्ण आढळून आले. कोरोनाच्या रूग्णांची वाढती संख्या लक्षात घेता रुग्णांवर उपचारांसाठी होमिओपॅथी, आयुर्वेद, युनानी या क्षेत्रातील तज्ज्ञांशी मुख्यमंत्री उद्धव ठाकरे यांनी चर्चा केली. त्यानंतर तज्ज्ञांना मार्गदर्शक सूचना तयार करुन टास्क फोर्सकडे देण्याबाबतही सांगण्यात आलंय.

महत्त्वाच्या बातम्या-