KTM 250 Duke New Feature l तरुणांमध्ये KTM बाईकची प्रचंड क्रेझ आहे. अशातच आता कंपनीने KTM 250 Duke ची नवीन आवृत्ती बाजारात लाँच केली आहे. केटीएमच्या या बाइकला नवीन टीएफटी स्क्रीन देण्यात आली आहे. यासोबतच बाईकच्या नवीन एडिशनमध्ये एलईडी हेडलॅम्पसह एलईडी डे टाईम रनिंग लॅम्पही लावण्यात आले आहेत. या बाईकमध्ये 390 Duke प्रमाणे हे नवीन फीचर्स देण्यात आले आहेत. या नवीन 250 ड्यूकची किंमत 2.41 लाख रुपये ठेवण्यात आली आहे.

पॉवरट्रेनमध्ये कोणताही बदल झाला नाही :

या KTM बाईकमध्ये बसवलेला नवीन हेडलॅम्प रात्रीच्या वेळी चांगला प्रकाश देणार आहे. या बाइकमध्ये पूर्वी एलसीडी स्क्रीन होती, जी नवीन रंगीत युनिटने बदलण्यात आली आहे. या बाईकमध्ये ब्लूटूथ कनेक्टिव्हिटीची सुविधा देखील आहे, ज्याद्वारे हेडसेट आणि मोबाईल फोन कनेक्ट करता येतो.

डाव्या हँडल बारवर स्थापित केलेल्या स्विच क्यूब्सवरून ते नियंत्रित केले जाऊ शकते. नवीन स्क्रीन आणि नवीन हेडलॅम्प देण्याव्यतिरिक्त या बाईकमध्ये इतर कोणतेही बदल करण्यात आलेले नाहीत. KTM 250 Duke च्या नवीन मॉडेलच्या पॉवरट्रेनमध्ये कोणताही बदल करण्यात आलेला नाही.

KTM 250 Duke New Feature l कंपनीने दिले भन्नाट फीचर्स :

या बाइकमध्ये 249.07 cc लिक्विड-कूल्ड इंजिन आहे. हे इंजिन 9,250 rpm वर 30.57 bhp पॉवर निर्माण करते आणि 7,250 rpm वर 25 Nm टॉर्क जनरेट करते. तसेच इंजिनसह या बाइकमध्ये 6-स्पीड गियर बॉक्स देखील देण्यात आला आहे, जो द्वि-दिशात्मक क्विक शिफ्टरसह सुसज्ज आहे.

या KTM बाईकच्या पुढील चाकामध्ये 320 mm डिस्क ब्रेक लावण्यात आले आहेत. त्याचवेळी मागील चाकामध्ये फ्लोटिंग कॅलिपरसह 240 मिमी डिस्क ब्रेक वापरण्यात आला आहे. बाइकमध्ये सुपरमोटो मोडसह ड्युअल चॅनल अँटी-लॉक ब्रेकिंग सिस्टम आहे. या बाइकच्या अपडेटेड व्हर्जनमध्ये आधीच्या मॉडेलप्रमाणे 17-इंचाचे अलॉय व्हील बसवण्यात आले आहेत.