LPG ekyc news | केंद्र सरकारने देशातील कोट्यवधी एलपीजी सिलिंडर ग्राहकांना मोठा दिलासा दिला आहे. आता एलपीजी सिलिंडरसाठी eKYC करण्यासाठी कोणतीही कालमर्यादा नसल्याचं सरकारने म्हटलं आहे. यासंदर्भात केंद्रीय पेट्रोलियम आणि नैसर्गिक वायू मंत्री हरदीप सिंग पुरी यांनी घोषणा केली आहे.

बनावट खाती आणि व्यावसायिक सिलिंडरची (LPG ekyc news) फसवी बुकिंग रोखण्यासाठी तेल कंपन्यांनी एलपीजी ग्राहकांना eKYC लागू केलं होतं. यासाठी ग्राहकांना संबंधित गॅस एजन्सीमध्ये जाऊन हे ई-केवायसी करावं लागणार आहे. मात्र, यामुळे एलपीजी धारकांची गैरसोय होत असल्याची तक्रार केरळचे विधानसभेतील विरोधी पक्षनेते सतीसन यांनी केली होती.

एलपीजी सिलिंडरच्या ई-केवायसीबाबत मोठी घोषणा

त्यांनी केंद्र सरकारला याबाबत पत्राद्वारे माहिती दिली होती.या पत्रालाच हरदीपसिंह पुरी यांनी उत्तर दिलंय.सदर प्रक्रिया आठ महिन्यांहून अधिक काळ सुरू असून खऱ्याखुऱ्या आणि प्रामाणिक ग्राहकांनाच एलपीजी सिलिंडर मिळावेत हा यामागचा उद्देश असल्याचं पुरी यांनी म्हटलं.

तसंच ई-केवायसी करण्यासाठी एलपीजी डिलिव्हरी (LPG ekyc news) करणारे कर्मचारी ग्राहकांच्या ओळखपत्रांची पडताळणी करतात. डिलिव्हरी कर्मचारी त्यांच्या मोबाईल फोनवरील ॲपद्वारे ग्राहकांचे आधार क्रेडेंशियल कॅप्चर करतात. यानंतर ग्राहकाला एक ओटीपी नंबर मिळतो.या ओटीपीच्या माध्यमातून पडताळणी प्रक्रिया पूर्ण केली जाते. अशी माहिती हरदीपसिंह पुरी यांनी पोस्ट करत दिली आहे.

हरदीपसिंह पुरी यांनी दिली महत्वाची माहिती

तसेच यापुढे ग्राहक स्वतः देखील ही प्रक्रिया पूर्ण करू शकणार असल्याचं देखील पुरी म्हणाले आहेत. ग्राहक इंडियन ऑइल कॉर्पोरेशन (Indian Oil corporation), हिंदुस्तान पेट्रोलियम कॉर्पोरेशन लिमिटेड (Hindustan Petroleum Corporation Limited) सारख्या कंपन्यांचे ॲप्स इन्स्टॉल करू करून स्वतः ई-केवायसी पूर्ण करू शकतात.

तसंच ग्राहकाला कोणतीही अडचण किंवा (LPG ekyc news) गैरसोय होणार नाही याची खात्री करण्यासाठी तेल कंपन्या या संदर्भात परिपत्रक देखील प्रसिद्ध करणार असल्याची माहिती मंत्री पुरी यांनी दिली आहे.