महायुतीच्या संभाव्य मंत्र्यांची पहिली यादी समोर! कोणाला लागणार लॉटरी?

December 1, 2024

Maharashtra l राज्यात विधानसभा निवडणुकांचा निकाल जाहीर झाल्यानंतर मुख्यमंत्री कोण होणार? याची सर्वत्र चर्चा रंगली आहे. मात्र निकाल जाहीर होऊन कित्येक दिवस उलटले तरी देखील अद्याप सरकारची स्थापना झालेली नाही. परंतु, आता महायुतीच्या नव्या सरकारचा शपथविधी 5 डिसेंबरला पार पडणार आहे. मात्र अद्यापही मुख्यमंत्री कोण हे गुलदस्त्यात आहे.

शपथविधी कधी होणार? :

विधानसभेत महायुतीला घवघवीत यश मिळाल्यानंतर मुख्यमंत्रिपदासह गृहमंत्रिपदावरुन देखील वाद सुरु आहे. पण आता हा वाद संपणार आहे. कारण 5 डिसेंबरला शपथविधी सोहळा पार पडणार आहे. मात्र आता या शपथविधी सोहळ्याला कोणकोणते मंत्री शपथ घेणार यांची संभाव्य नावे समोर आली आहेत.

येत्या 5 डिसेंबरला नव्या सरकारचा शपथविधी होणार असल्याची माहिती भाजपचे प्रदेशाध्यक्ष चंद्रशेखर बावनकुळे यांनी ट्विट करत दिली आहे. या सोहळ्याला पंतप्रधान नरेंद्र मोदी सुद्धा उपस्थित राहणार आहेत. तसेच यावेळी देवेंद्र फडणवीस हे मुख्यमंत्रीपदाची शपथ घेणार असल्याची माहिती मिळाली आहे. यासोबतच भाजपचे 10 ते 15 मंत्री शपथ घेण्याची शक्यता वर्तवली जात आहे.

Maharashtra l संभाव्य यादी समोर :

चंद्रशेखर बावनकुळे
सुधीर मुनगंटीवार
गिरीश महाजन
रवींद्र चव्हाण
राधाकृष्ण विखे पाटील
मंगल प्रभात लोढा
अतुल सावे
आशिष शेलार
पंकजा मुंडे
देवयानी फरांदे
नितेश राणे
गोपीचंद पडळकर
संजय कुटे या आमदारांना मंत्रि‍पदाची लॉटरी लागणार आहे. मात्र अद्याप या नावांबद्दल अधिकृत शिक्कामोर्तब करण्यात आली नाही.