महाराष्ट्रात पुन्हा पाय पसरतोय कोरोना, पुणेकरांसाठी धोक्याची घंटा

May 14, 2024

Covid-19 l सध्या जगभराच टेन्शन वाढवणारी बातमी समोर आली आहे. जगभरात हाहाकार माजवणारा कोरोना विषाणू अजूनही सक्रिय असल्याची धक्कादायक बातमी समोर आली आहे. महाराष्ट्रात सोमवारी कोविड-19 चे सहा नवीन रुग्ण आढळले, ज्यामध्ये मुंबई आणि पुणे शहरांमध्ये प्रत्येकी तीन आहेत असे आरोग्य विभागाने सांगितले आहे.

Covid-19 l देशाचं टेन्शन वाढणार?

महाराष्ट्रात कोविड-19 सब व्हेरियंटचे 91 नवीन प्रकरणे समोर आली आहेत. हे Covid-19 Omicron चे सब-व्हेरियंट KP.2 आहे. अनेक देशांमध्ये याची प्रकरणे समोर येत आहेत. या प्रकाराचा पहिला व्हेरियंट जानेवारीत उघडकीस आला होता. ताज्या आकडेवारीनुसार, पुण्यात 51 आणि ठाणे, महाराष्ट्रामध्ये 20 केस दाखल झाल्या आहेत.

KP.2 चे पहिला रुग्ण हा महाराष्ट्रात जानेवारी महिन्यात सापडला होता. अशातच आता ठाणे वगळता अमरावती आणि औरंगाबादमध्ये प्रत्येकी सात, तर सोलापूरमध्ये दोन, अहमदनगर, नाशिक, लातूर आणि सांगलीमध्ये प्रत्येकी एक रुग्ण सापडले आहेत. यामुळे आता पुन्हा एकदा सर्वांचं टेन्शन वाढलं आहे.

अमेरिकेत रुग्ण वाढत आहेत :

KP.2 या व्हेरियंटची रुग्ण हे अमेरिकेत सर्वात जास्त सापडत आहेत. डॉक्टर सांगतात की KP.2 जो FLiRT प्रकाराचा भाग आहे. अमेरिकेत FLiRT रूपे, KP.2 आणि KP.1.1 मध्ये हॉस्पिटलायझेशनची फारशी प्रकरणे नाहीत आणि रुग्णांमध्ये Omicron ची लक्षणे आहेत. KP.2 च्या प्रतिकृतींची संख्या JN.1 पेक्षा जास्त आहे. मात्र आता जागतिक आरोग्य संघटनेनेही या नवीन प्रकारावर लक्ष ठेवले आहे. संस्थेने व्हायरसमध्ये होणाऱ्या मोठ्या बदलांकडे लक्ष देण्याचा सल्ला देखील दिला आहे.

डिसेंबर 2019 मध्ये कोरोनाचा पहिला रुग्ण सापडला होता. यानंतर, तो हळूहळू अनेक देशांमध्ये पसरला, पाश्चात्य देशांमध्ये हजारो लोकांना यामुळे आपले प्राण गमवावे लागले. तेव्हापासून त्याची अनेक व्हेरियंट सापडली आहेत.