कोरोनाशी लढा देण्यात महाराष्ट्र सरकार अपयशी ठरतंय का?, आजची आकडेवारी धक्कादायक

By Krishna Varpe On May 22, 2020 9:11 pm

मुंबई | विविध उपायांचा अवलंब करुनही कोरोनाचा सामना करण्यात महाराष्ट्र अपयशी ठरतंय का?, असा प्रश्न आता निर्माण झाला आहे. त्याला कारण आहे महाराष्ट्राची गेल्या २४ तासातील कोरोनाची धक्कादायक आकडेवारी…

महाराष्ट्रात आतापर्यंतची एका दिवसातील सर्वाधिक रुग्णांची नोंद शुक्रवारी झाली. दिवसभरात राज्यात तब्बल 2940 कोरोनाचे नवे रुग्ण वाढले आहेत. त्यातली सर्वाधिक वाढ ही मुंबईत दिसून आली. मुंबईत 1751 रुग्ण वाढले आहेत, तर पुण्यात दिवसातील आतापर्यंतच्या सर्वाधिक 291 रुग्णांची नोंद झाली आहे.

राज्यभरातील कोरोनामुळे झालेल्या मृत्यूच्या संख्येनं देखील दीड हजारांचा टप्पा ओलांडला आहे. गेल्या 24 तासात महाराष्ट्रात 63 मृत्यू नोंदवले गेले आहेत. त्यामुळे कोरोनाने मृत्यू पडलेल्यांची संख्या 1517 झाली आहे.

राज्य सरकारच्या शुक्रवारच्या आकडेवारीनुसार, महाराष्ट्रातील कोरोनाची एकूण रुग्णसंख्या 44,582 वर पोहोचली आहे. दिवसभरातल्या 63 कोरोना मृत्यूंपैकी मुंबईत 27 आणि पुण्यात 9 मृत्यूंची नोंद झाली आहे. ठाणे शहरातही कोरोनाचा धोका दिवसेंदिवस वाढत असून आज 186 नवे रुग्ण आढळून आले.

ट्रेंडिंग बातम्या-