महाराष्ट्रात ‘देऊळ बंद’ पण प्रसिद्ध हाजी अली दर्गा राहणार उघडा

By टीम थोडक्यात On March 19, 2020 8:27 am

मुंबई | कोरोना वायरसने सध्या सर्व जगभरात थैमान घातलं आहे. दिसेसेंदिसव कोरोनाग्रस्तांच्या संख्येत वाढ होत आहे. याच पार्श्वभूमीवर राज्य सरकारने राज्यातील शाळा महाविद्यालये त्यासोबत मंदिरेही बंद ठेवण्याच्या सूचना दिल्या आहेत.

महाराष्ट्रातील देवीची शक्तीपीठं, सर्व प्रसिद्ध मंदिर त्यासोबत सर्वांच्या लाडक्या विठुरायाचंही मंदिर प्रशासनाने बंद ठेवण्याचा आदेश दिला आहे. त्यामुळे भाविकांना त्याचं श्रद्धास्थान असलेल्या देवाचं दर्शन घेता येत नाय्ये. असं असताना मुंबईतील प्रसिद्ध हाजी अली दर्गा ट्रस्टनं दर्गा बंद न करण्याचा निर्णय घेतला आहे.

दर्गा आधी भाविकांसाठी दिवसभरात 10 ते 11 तास खुला ठेवण्यात येत होता. आता मात्र, केवळ 4 ते 5 तास खुला ठेवण्यात येणार आहे. नमाझ पठणासाठीही कमीत कमी भाविकांनी दर्ग्यावर यावे, असं आवाहन ट्रस्टचे प्रशासकीय अधिकारी मोहम्मद अहमद ताहेर यांनी केलं आहे.

दरम्यान, दर्ग्याला देश-विदेशातील हजारो नागरिक दररोज भेट देतात. त्यामुळे येथे मोठ्या प्रमाणात गर्दी होत असते. कोरोना व्हायरसची भीती असताना हाजी अली दर्गा बंद न ठेवण्याचा निर्णय ट्रस्टनं घेतला आहे. त्यामुळे सर्वत्र चर्चेला उधाण आलं आहे.

ट्रेंडिंग बातम्या-