Maharashtra Weather Update | मागच्या आठवड्यापासून राज्यात पावसाने विश्रांती घेतली आहे.मात्र, अजूनही काही ठिकाणी मध्यम स्वरूपाच्या सरी बरसत आहेत. मुंबई सह अनेक ठिकाणी सध्या पाऊस सुरू आहे. तर, काही ठिकाणी आता उन्हाचे चटके जाणवू लागले आहेत. (Maharashtra Weather Update)

आज राज्यातील पालघर, ठाणे, मुंबई, रायगड, रत्नागिरी, सिंधुदुर्ग, नाशिक, अहमदनगर, कोल्हापूर, सातारा येथे तुरळक ठिकाणी मध्यम ते हलक्या स्वरूपाचा पाऊस होईल.

‘या’ ठिकाणी पाऊस होणार

तर, धुळे, नंदुरबार, जळगाव, नाशिक पुणे जिल्ह्यात तुरळक ठिकाणी पावसाची शक्यता वर्तवण्यात आली आहे. उर्वरित राज्यात पाऊस उघडीप घेणार असल्याचा अंदाज आहे. राज्यात पुढील पाच दिवस तुरळक ठिकाणी हलक्या सरी बरसतील. (Maharashtra Weather Update)

मागीक काही दिवसांत झालेल्या जोरदार पावसामुळे शेतीचे प्रचंड नुकसान झाले आहे. सध्या अनेक ठिकाणी पाऊस उघडला आहे. यामुळे शेतीच्या कामाला वेग आला आहे.विविध भागात फवारणी, खुरपणीची कामे सुरू आहेत.

राज्यात अनेक ठिकाणी पावसाची उघडीप

हवामान विभागाच्या अंदाजानुसार, कोकणात, मध्य महाराष्ट्रात काही ठिकाणी हलक्या ते मध्यम स्वरूपाच्या पावसाच्या सरी पडण्याची शक्यता आहे. तसेच विदर्भात उद्यापासून दोन दिवस हलका ते मध्यम स्वरूपाचा पाऊस होईल. त्यामुळे विदर्भाला दोन दिवस यलो अलर्ट देण्यात आला आहे. (Maharashtra Weather Update)

आज मराठवाड्यात देखील पाऊस पडण्याचा अंदाज आहे. छत्रपती संभाजीनगर, बीड, जालना यासह अनेक ठिकाणी सध्या ढगाळ वातावरण निर्माण झाले आहे. त्यामुळे विदर्भ, मराठवाडा आणि मध्य महाराष्ट्र वगळता राज्यातील हवामान कोरडे राहणार आहे.