Maharashtra Weather Update | राज्यातील बऱ्याच ठिकाणी सध्या ढगाळ वातावरण निर्माण झालं आहे. काही ठिकाणी तर, अवकाळी पाऊस पडून गेलाय. आता पुढील 48 तासांत पुन्हा मुसळधार पाऊस पडण्याची शक्यता हवामान विभागाने वर्तवली आहे. त्यामुळे कोकण, मराठवाड्यात पावसाचा यलो अलर्ट देण्यात आला आहे.

उत्तर कोकण, दक्षिण मध्य महाराष्ट्र आणि मराठवाड्यात अनेक ठिकाणी आणि उत्तर मध्य महाराष्ट्रात काही ठिकाणी मेघगर्जना आणि वीजांच्या कडकडाटासह पावसाची शक्यता दिली आहे. सध्या ढगाळ वातावरण असल्याने उष्णतेपासून मोठा दिलासा मिळाला आहे.

‘या’ भागांना पावसाचा हायअलर्ट

पुढील 48 तासात मुंबई, ठाणे, पालघरसह कोकण आणि मराठवाड्यात जोरदार पावसाची शक्यता वर्तवण्यात आली आहे. आयएमडीने या भागात पावसाचा यलो अलर्ट जारी केला आहे. याशिवाय, जळगाव, धुळे, कोल्हापूर, नांदेड, लातूर, परभणी, हिंगोली या जिल्ह्यात तुरळक ठिकाणी पाऊस पडण्याची शक्यता आहे.

सध्या राज्यात मान्सूनसाठी अनुकूल वातावरण असून मान्सून लवकरच महाराष्ट्रात दाखल होईल, असं म्हटलं जातंय. पुणे आणि (Maharashtra Weather Update ) अहमदनगर येथेही काही भागांमध्ये सध्या पाऊस सुरू असल्याचं चित्र आहे. पुण्यात काही ठिकाणी येत्या तीन दिवसांत मुसळधार पावसाचा अंदाज दिला आहे.

पुण्यात कसं राहील तापमान?

पुणे आणि परिसरात आजपासून पुढील तीन दिवस विजांच्या कडकडाटासह पावसाची शक्यता असून त्यानंतर 10 तारखेपासून त्याची तीव्रता वाढून मुसळधार सरी कोसळतील. पुण्यात सध्या तरी ढगाळ वातावरणच राहील.

हवामान विभागाने दिलेल्या (Maharashtra Weather Update ) माहितीनुसार, अहमदनगर, पुणे, कोल्हापूर, सातारा या जिल्हयामध्ये 50 ते 60 किमी प्रति वेगाने वादळी वाऱ्याचा पाऊस पडेल. त्यामुळे या भागांना आता हायअलर्ट देण्यात आला आहे.