कोरोनाचा फैलाव रोखण्यासाठी ‘मास्टर ब्लास्टर’ सचिनचं जनतेला आवाहन

By टीम थोडक्यात On March 18, 2020 2:05 pm

मुंबई| कोरोनाचा प्रादुर्भाव देशात तसंच राज्यात वाढतच चालला आहे. मुंबईमध्ये कोरोनामुळं पहिला बळी गेला आहे. याच पार्श्वभूमीवर ‘मास्टर ब्लास्टर’ सचिन तेंडूलकरनं देशातील जनतेला आवाहन केलं आहे. सचिननं कोरोनाच्या पार्श्वभूमीवर हात धुतानाचा एक व्हिडीओ सोशल मीडियावर शेअर केला आहे.

कोरोनाचा फैलाव रोखण्यासाठी हात फक्त पाण्यानेच नाही तर हाताला साबण लावून हात धुतले पाहिजेत आणि कोरड्या टॉवेलने हात स्वच्छ करणं गरजेचं आहे. असं आवाहन सचिननं या व्हिडीओच्या माध्यमातून जनतेला केलं आहे.

कोरोनाचा प्रादुर्भाव रोखण्यासाठी सरकारकडून स्वच्छता पाळण्याचं आवाहन केलं जात आहे. त्याचबरोबर कोरोनाचा फैलाव रोखण्यासाठी सरकारकडून विविध उपाययोजना राबविल्या जात आहे. विविध प्रसारमाध्यमातून लोकांंना जागृत केलं जात आहे.

दरम्यान, आज पुण्यात एका महिलेला कोरोना लागण झाल्याची माहिती जिल्हाधिकारी नवलकिशोर राम यांनी दिली आहे. पुण्यातील कोरोनाग्रस्तांची संख्या 19वर गेल्याचं समजत आहे. तर राज्यात कोरोनाबाधित रूग्णांची संख्या 42इतकी झाली आहे.

View this post on Instagram

हम सभी कोरोना वायरस (COVID-19) की वजह से चिंतित है।‬ ‪इस वायरस को फैलने से रोकने के लिए जो एक आसान सी चीज़ हम कर सकते है वो है अपने हाथों को स्वच्छ रखना।‬ ‪हाथों को 20 सेकंड तक साबुन के साथ धोना अनिवार्य है। हमेशा अपने हाथों को अच्छे से धोएं।‬ . . ‪#safehandschallenge @unicef @who

A post shared by Sachin Tendulkar (@sachintendulkar) on Mar 17, 2020 at 5:36am PDT