…म्हणून हा परप्रांतीय तरुण छत्रपती शिवरायांचा फोटो हातात घेऊन यूपीला रवाना झाला!

By Babita.Durande On May 19, 2020 2:12 pm

कोल्हापूर | लॉकडाऊनमुळे अनेक मजुरांवर उपासमारीची वेळ आली आहे. महाराष्ट्रातूनही मोठ्या संख्येने परराज्यातील मजूर यूपी, बिहार या राज्यात पोहचत आहेत. कोल्हापूरसारख्या ग्रामीण भागातून परराज्यात जाणाऱ्या मजुरांची संख्याही मोठी आहे. अशातच कोल्हापूरहून उत्तर प्रदेशला जाण्यासाठी निघालेल्या एका तरुणाच्या हातात असलेल्या फोटोनं सर्वांचं लक्ष वेधलं.

छत्रपतींचे विचार युवकांना सांगण्यासाठी मूळचा बनारसचा असणाऱ्या तरुणाने शिवराज्याभिषेकाचा फोटो हातात घेऊन ट्रेनमधून रवाना झाला.

हम भी शिवाजी महाराज इनपर बहुत प्यार करते है, अशी भावना या तरुणाने व्यक्त करत छत्रपतींचे विचार लोकांपर्यंत पोहचवण्यासाठी प्रयत्न करणार असल्याचं सांगितलंय. सुशील यादव असं या तरुणाचं नाव आहे. मूळचा उत्तर प्रदेशातील असणारा हा तरुण गेल्या 13 वर्षापासून कागलमध्ये राहतो.

दरम्यान, कागलज येथील मयूर एस टी कॅन्टीनमध्ये तो काम करतो. या परिसरात त्याचे अनेक मित्र आहेत. कोल्हापूर हे छत्रपतींच्या गादीचा वारसा असणारं ठिकाण आहे. त्यामुळे अनेक तरुणांप्रमाणे सुशील यादवलाही छत्रपती शिवरायांबद्दल आदर आणि प्रेम आहे.

ट्रेंडिंग बातम्या-