Mumbai Local l मुंबईची (Mumbai) लाईफलाईन (Lifeline) असलेली लोकल ट्रेन (Local Train) आज, रविवारी मेगाब्लॉकमुळे (Mega Block) प्रभावित होणार आहे. पश्चिम आणि मध्य रेल्वे मार्गावर मेगाब्लॉक (Mega Block) असल्यामुळे अनेक लोकल फेऱ्या रद्द करण्यात आल्या आहेत, तर काही गाड्यांच्या मार्गात बदल करण्यात आला आहे.
मध्य रेल्वेवरील परिणाम :
मध्य रेल्वेवर (Central Railway) 59 लोकल फेऱ्या आणि 3 मेल एक्सप्रेस (Mail Express) रद्द करण्यात आल्या आहेत. चर्चगेट ते मुंबई सेंट्रल (Mumbai Central) दरम्यान अनेक लोकल गाड्यांच्या मार्गात बदल करण्यात आला आहे. हा मेगाब्लॉक (Mega Block) आज रात्री उशिरापर्यंत असणार आहे. त्यामुळे शनिवार आणि रविवारी रात्री उशिरा प्रवास करणाऱ्या प्रवाशांना याचा फटका बसणार आहे.
मध्य रेल्वेवर 10 तासांचा ब्लॉक! :
छत्रपती शिवाजी महाराज टर्मिनस (Chhatrapati Shivaji Maharaj Terminus – CSMT) स्थानकाच्या फलाट क्रमांक 12 आणि 13 च्या विस्तारीकरणासाठी मध्य रेल्वेने (Central Railway) 10 तासांचा विशेष ब्लॉक (Special Block) जाहीर केला आहे. या ब्लॉकदरम्यान सीएसएमटी (CSMT) ते भायखळा आणि सीएसएमटी (CSMT) ते वडाळा रोड दरम्यान लोकलसेवा रद्द राहतील. 59 लोकल फेऱ्या आणि तीन मेल-एक्स्प्रेस (Mail Express) रद्द करण्यात आल्या आहेत, तर 47 मेल-एक्स्प्रेसवर (Mail Express) या ब्लॉकचा परिणाम होईल. काही मेल-एक्स्प्रेस (Mail Express) दादर स्थानकावर (Dadar Station) थांबतील.
पश्चिम रेल्वे मार्गावर (Western Railway) शनिवारी रात्री 10 वाजल्यापासून रविवारी सकाळी 11 वाजेपर्यंत ग्रँट रोड ते मुंबई सेंट्रल (Mumbai Central) दरम्यान ब्लॉक (Block) असेल. पश्चिम रेल्वे (Western Railway) मार्गावरील ब्लॉकदरम्यान लोकलच्या वेळापत्रकात बदल करण्यात आले आहेत. ग्रँट रोड स्थानकाजवळ गर्डर बसवण्याचे काम पूर्ण होईपर्यंत चर्चगेट ते मुंबई सेंट्रल (Mumbai Central) स्थानकांदरम्यान अप आणि डाऊन जलद मार्गावरील लोकल धीम्या मार्गावरून धावतील. चर्चगेट लोकलचा (Local) प्रवास वांद्रे आणि दादर स्थानकावर (Dadar Station) संपेल.
काही लोकल गाड्या वांद्रे व दादर स्थानकांतून विरार व बोरीवलीच्या दिशेने जातील. प्रवाशांनी घराबाहेर पडण्यापूर्वी रेल्वेचे वेळापत्रक तपासून पाहावे, जेणेकरून त्यांना प्रवासात कोणताही त्रास होऊ नये.
