“50 टक्के कर्मचाऱ्यांना वर्क फ्रॉम होम न दिल्यास कंपनीवर कारवाई करणार”

By Thodkyaat On March 18, 2020 5:10 pm

मुंबई | मुंबईतल्या ज्या कंपन्या 50 टक्के कर्मचाऱ्यांना ‘वर्क फ्रॉम होम’ देत नसतील, त्यांच्यावर दंडात्मक कारवाई करणार असल्याचा इशारा मुंबई महापालिका आयुक्त प्रवीण परदेशी यांनी दिला. ‘कोरोना’च्या वाढत्या प्रादुर्भावामुळे सरकारने खाजगी कंपन्यांमधील कर्मचाऱ्यांना घरी बसून काम करण्याचे आदेश दिले आहेत.

पुढील दोन दिवसांत मुंबईतील खाजगी कंपन्यांमध्ये मी भेट देऊन तपासणी करणार आहे. ज्या कंपन्या निम्म्या कर्मचाऱ्यांना ‘वर्क फ्रॉम होम’ करण्यास सांगत नाहीत, त्यांच्यावर कलम 188 अंतर्गत दंडाची कारवाई होऊ शकते, असा इशाराही त्यांनी दिला आहे.

मुंबई महापालिका मुख्यालय आणि वॉर्ड ऑफिसमध्ये नागरिकांच्या तक्रारी ईमेल, टेलिफोन नंबर (1916) वर घेण्याचे आदेश देण्यात आले असल्याची माहिती आयुक्तांनी यावेळी दिली आहे.

दरम्यान,राज्यातील कोरोनाग्रस्ताचा आकडा 42 वर गेला आहे. मुंबईत 7 जणांना कोरोनाची लागण झाली आहे. पुण्यातील कोरोनाबाधितांची संख्या 18 वर पोहोचली आहे.

ट्रेंडिंग बातम्या-