“सरकार शेतकऱ्यांविरोधात गेल्यास राजदंडाचा वापर करू”

यवतमाळ | हे सरकार जेव्हा शेतकरी आणि जनसामान्यांच्या विरोधात निर्णय घेईल तेव्हा राजदंडाचा वापर करू, असा इशारा विधानसभेचे अध्यक्ष नान पटोले यांनी सरकारला दिला आहे. ते यवतमाळमध्ये बोलत होते.

महाराष्ट्र सरकारने ओबीसी जनगणनेचा प्रस्ताव एकमताने मंजूर करून घेतला असला तरी ही वेळ केंद्र सरकारवर दबाव निर्माण करण्याची आहे. जनगणनेत जर ओबीसींचा कॉलम समाविष्ट करण्यात आला नाही, तर ओबीसी समाजाने जनगणनेवर बहिष्कार टाकण्याची भूमिका घ्यावी, असं आवाहन नाना पटोले यांनी केलं आहे.

देशात बहुसंख्येने असलेल्या ओबीसींची जनगणना व्हावी ही मागणी अत्यंत रास्त आहे. त्याशिवाय या समाजघटकाला योग्य न्याय मिळणार नाही. त्यामुळे केंद्र सरकारने ओबीसी कॉलम समाविष्ट करावा यासाठी दबाव निर्माण झाला पाहिजे, असं नाना पटोले म्हणाले आहेत.

दरम्यान, शेतकऱ्यांना रानडुकरांचा होत असलेल्या त्रासामुळे त्यांना मारण्याच्या परवानगीसाठी सर्व विभागांशी चर्चा करणार असल्याचंही नाना पटोले यांनी यावेळी सांगितलं.

ट्रेंडिंग बातम्या- 

सीमालढ्यात बलिदान दिलेल्या शिवसैनिकांना शहिदाचा दर्जा द्या; एकनाथ शिंदेंचं मुख्यमंत्र्यांना पत्र

महामोर्चाआधी मनसेला गुड न्युज; या दोन नेत्यांनी केला ‘मनसे’ प्रवेश!

महत्वाच्या बातम्या- 

पुरोगामी पुण्यात गांधींचा कार्यक्रम रद्द ही लाजिरवाणी घटना; आव्हाड संतापले

“दाखवतो हर्षवर्धनचा ड‌ॅशिंग रूबाब… आता चंद्रकांत खैरे खासदार होणार नाही”

मला कुणाच्या परवानगीची गरज नाही; राष्ट्रीय वारकरी परिषदेला पवारांचं उत्तर