मोठी बातमी! अजित पवार गटाची दुसरी यादी जाहीर, झिशान सिद्दीकींनाही मिळालं तिकीट

October 25, 2024

NCP Ajit Pawar | महाराष्ट्रात होणाऱ्या विधानसभा निवडणुकीसाठी महायुतीमधील घटक पक्ष असणाऱ्या अजित पवार गटाची दुसरी यादी जाहीर झाली आहे. यामध्ये एकूण 7 उमेदवारांच्या नावाची घोषणा करण्यात आली आहे. यापूर्वी पक्षाने 38 उमेदवार घोषित केले होते.आता अजित पवार गटाचे एकूण 45 उमेदवार निवडणुकीच्या रिंगणात उतरले आहेत. (NCP Ajit Pawar )

अजित पवार गटाची दुसरी यादी

1. इस्लामपूर – डॉ निशिकांत पाटील
2. तासगाव-कवठे महांकाळ – संजयकाका पाटील
3. अणुशक्तीनगर – सना मलिक
4. वांद्रे पूर्व – झिशान सिद्दीकी
5. वडगाव शेरी – सुनील टिंगरे
6. शिरुर- ज्ञानेश्वर कटके
7. लोहा – प्रताप चिखलीकर (NCP Ajit Pawar )

दरम्यान, अजित पवार गटात नुकताच भाजपचे नेते तथा सांगलीचे माजी खासदार संजय काका पाटील यांनी पक्षप्रवेश केलाय. यानंतर त्यांना थेट विधानसभेचं तिकीट मिळालं आहे. कवठे महांकाळमधून त्यांना उमेदवारी देण्यात आली आहे. येथे शरद पवार गटाकडून राष्ट्रवादीचे दिवंगत नेते आर.आर.पाटील यांचा मुलगा रोहित पाटील (Rohit Patil) यांना उमेदवारी जाहीर झालेली आहे. त्यामुळे आता या मतदारसंघात माजी खासदार संजय काका पाटील आणि रोहित पाटील यांच्यात थेट लढत होईल. (NCP Ajit Pawar )