जितेंद्र आव्हाड तुझा दाभोलकर होणार; तरुणाच्या धमकीनं खळबळ

मुंबई | जितेंद्र आव्हाड यांच्या समर्थकांनी बेदम मारहाण केल्याचा आरोप एका तरूणाने केला आहे. कालपासून हे प्रकरण बरंच तापलं आहे. अशातच जितेंद्र आव्हाड यांना तुझा दाभोळकर होणार, अशी धमकी एका तरूणाने दिली आहे. यामुळे एकच खळबळ माजली आहे.

कालपासून आव्हाड यांच्यावर सोशल मीडियातून टीका सुरू आहे. तर त्यांच्या समर्थकांनी याप्रकरणाचं समर्थन देखील केलं आहे. अशातच ट्विटरवर कैलासराणा गणेश सुर्यवंशी याने आव्हाड लवकरच तुझा दाभोलकर होणार अशी कमेंट करत धमकी दिली आहे.

शेम ऑन जितेंद्र आव्हाड असा ट्रेंड ट्विटरवर सुरू होता. त्याच ट्रेंडमध्ये या तरूणाने हे धमकी देणारं ट्विट केलं आहे. त्यामुळे पोलिस आता काय कारवाई करणार, याकडे सगळ्यांच्याच नजरा आहेत.

दरम्यान, याप्रकरणी राष्ट्रवादी आता पोलिसांत तक्रार दाखल करणार असल्याची माहिती कळत आहे.