“स्वच्छ चारित्र्याचे असतील तर ते लपले कशाला?”

मुंबई | पूजा चव्हाण आत्महत्या प्रकरण सध्या चर्चेत आहे. याबाबत वनमंत्री संजय राठोड यांच्यावर सर्वच स्तरातून टीका होत आहे. अशात मंगळवारी पोहरादेवीच्या दर्शनासाठी गेलेले संजय राठोड 15 दिवसांनी सगळ्यांसमोर आले. यावेळी त्यांच्या समर्थकांनी शक्तीप्रदर्शन केलं. संजय राठोड यांच्या कार्यकर्त्यांनी कोरोनाचे सर्व नियम डावलून लावले. यावरून माजी खासदार निलेश राणे यांनी संजय राठोड यांच्यावर टीका केली आहे.

जर स्वच्छ चारित्र्याचे असतील तर ते लपले कशाला?, असा सवाल निलेश राणे यांनी संजय राठोडांना विचारला आहे. संजय राठोड यांनी मंत्रिपदाचा राजीनामा द्यावा आणि चौकशीला सामोरं जावं, असं निलेश राणे यांनी म्हटलं आहे.

या आधी जितेंद्र आव्हाडांनी इंजिनिअरला मारहाण केली होती. त्याबरोबर धनंजय मुंडे यांचं करूणा शर्मा प्रकरण सुद्धा दाबलं गेलं होतं .यावरून राज्यात महिला सुरक्षित आहेत का? असा प्रश्न उपस्थीत होत आहे. जर महाविकास आघाडी सरकारचे मंत्रीच जर राजरोसपणे महिलांवर अत्याचार करायला लागले तर काय होणार?, असा सवाल निलेश राणेंनी केला आहे.

थोडक्यात बातम्या –

आंतरजातीय लग्नाबद्दल हायकोर्टाने दिला ‘हा’ ऐतिहासिक निकाल!

‘सरकारच्या धोरणांशी सहमत नाही म्हणून प्रत्येकाला कारागृहात डांबू शकत नाही’; न्यायालयाचा दिशा रवीला जामीन

“संजय राठोडांची अवस्था ‘सामना’मधल्या भेदरलेल्या सरपंचासारखी”

‘4 नाही, तर 40 लाख ट्रॅक्टर घेऊन तयार राहा’; राकेश टिकैत आक्रमक

“…तर उद्धव ठाकरे आपल्या जवळच्या व्यक्तीलाही सोडत नाहीत”