भावाशी, मिसळचं झटको होयो तर येवा वैभववाडीत!

By टीम थोडक्यात On February 8, 2020 9:43 am

सिंधुदुर्ग | नितेश राणे यांच्या प्रयत्नातून 8 आणि 9 फेब्रुवारीला सिंधुदुर्ग जिल्ह्यातील वैभववाडी येथे कोकणातील पहिल्या मिसळ महोत्सवाचे आयोजन करण्यात आले आहे. या पार्श्वभूमीवर भाजप नेते नितेश राणे यांनी मिसळ प्रेमींना या महोत्सवाचे निमंत्रण दिलं आहे.

भावाशी, मिसळचं झटको होयो तर येवा वैभववाडीत, अशा शब्दात राणे यांनी मिसळ प्रेमींना साद घातली आहे. त्यांनी यासंदर्भात एक ट्वीट रिट्वीट केलं असून एक व्हिडीओही शेअर केला आहे.

या महोत्सवात पुणे, कोल्हापूर भागातील प्रसिद्द असलेल्या मिसळचा कोकणकरांना आस्वाद घेता येणार आहे. त्यामुळे मिसळप्रेमींसाठी ही पर्वणीच असणार आहे. वेगवेगळ्या प्रकारच्या 50 मिसळचा याठिकाणी आस्वाद घेता येणार आहे.

वैभववाडीत यावं आणि मिसळप्रेमींनी या विविध प्रकारच्या मिसळींचा आस्वाद घ्यावा, असं आवाहन नितेश राणे यांनी ट्वीटच्या माध्यमातून केलं आहे. दरम्यान, या महोत्सवाला मराठी मनोरंजन क्षेत्रातील अनेक कलाकारही भेट देणार असल्याचं सांगण्यात आलं आहे.