'हिसाब होगा... इंटरेस्ट लगाके'; अर्णब यांच्या अटकेनंतर नितेश राणेंचा राज्य सरकारला अप्रत्यक्ष इशारा

मुंबई | रिपब्लिक टीव्हीचे संपादक अर्णब गोस्वामी यांना पोलिसांनी आज सकाळी त्यांच्या राहत्या घरातून अटक केलीये. या घटनेनंतर भाजपा नेते नितेश राणे यांनी राज्य सरकारवर अप्रत्यक्षपणे टीका केली आहे.

नितेश राणे यांनी एक ट्विट केलंय. या ट्विटमध्ये इंटरेस्ट सकट हिशोब होणार असल्याचं म्हटलंय. त्यांचं हे ट्विट अर्णब गोस्वामी यांच्या अटकेशी संबंधीत असल्याचं म्हटलं जातंय.

“Satta” aaj hai.. kal nahi..
Aaj tumhari hai..Kal Humhari hogi..
Bus itna yaad rakhna!
Hisaab toh hoga..interest laga ke 😊😊
— nitesh rane (@NiteshNRane) November 4, 2020

नितेश राणे लिहीतात, “सत्ता आज आहे तर उद्या नाही. आज सत्तेत तुम्ही आहात उद्या आम्हीही असू. फक्त एवढं लक्षात ठेवा. हिशोब तर चुकता होणार तोही व्याजासह…”

दरम्यान पोलिसांकडे यासंदर्भात कोणतीही कागदपत्रं, कोर्टाचा आदेश किंवा समन्स नसतानाही ही कारवाई केला जात असल्याचा आरोप रिपब्लिक चॅनलकडून करण्यात आलाय. अर्णब यांना अलिबागच्या कोर्टात हजर करण्यात येणारे.