IPLच्या धावपळीनंतर थोडा आराम करा… कुटुंबाला वेळ द्या अन् वर्ल्डकपसाठी सज्ज व्हा- बीसीसीआय

By टीम थोडक्यात On May 18, 2019 3:12 pm

मुंबई | आयपीएल हंगामानंतर तात्काळ सराव न करता आराम करण्याचा सल्ला बीसीसीआयने भारतीय संघाला दिला आहे. 30 मे रोजी विश्वचषकाला सुरूवात होत आहे. त्याच पार्श्वभूमीवर बीसीसीआयने हा सल्ला दिल्याचं कळतंय.

2018 सालामध्ये भारतीय संघ एकामागोमाग एक मालिका खेळत आहे. त्यातच आयपीएल आणि विश्वचषक स्पर्धेत काहीच दिवसांचे अंतर असल्यामुळे बीसीसीआयने भारतीय संघाला आराम करण्याचा सल्ला दिला आहे.

22 मे रोजी भारतीय संघ हा इंग्लंडला रवाना होणार आहे. त्याआधी भारतीय संघाने सराव न करता आपल्या परिवारासोबत वेळ घालवावा, असं भारतीय संघाच्या सपोर्ट स्टाफने सुचवल्याचं बोललं जात आहे.

दरम्यान, 30 मे पासून क्रिकेटच्या जागतिक उत्सवाला सुरूवात होत असून भारताचा पहिला मुकाबला 5 जूनला दक्षिण आफ्रिकेसोबत होणार आहे.

महत्वाच्या बातम्या