"गळाभेट घेऊन रामाचं नाव घ्या; गळा दाबून नाही"

नवी दिल्ली | नेताजी सुभाषचंद्र बोस यांच्या 125 व्या जयंतीनिमित्त एका कार्यक्रमात पश्चिम बंगालच्या मुख्यमंत्री ममता बॅनर्जी भाषणाला जाताना ‘जय श्रीराम’च्या घोषणा देण्यात आल्या. त्यामुळे त्यांनी भाषण करण्यास नकार दिला. यावरून भाजप नेत्यांनी त्यांच्यावर जोरदार टीका केली. याच पार्श्वभूमीवर तृणमूल काँग्रेसच्या खासदार नुसरत जहाँ यांनी ममतांचा बचाव करताना ट्विट केलं आहे

गळाभेट घेऊन रामाचं नाव घ्या, गळा दाबून नाही, असं नुसरत जहाँ यांनी म्हटलं आहे. यासंदर्भात त्यांनी ट्विट केलं आहे. कोलकाता येथील व्हिक्टोरिया मेमोरियल येथे कार्यक्रम होता.

स्वातंत्र्यसैनिक नेताजी सुभाषचंद्र बोस यांच्या 125 व्या जयंतीनिमित्त आयोजित सरकारी कार्यक्रमात राजकीय आणि धार्मिक घोषणांचा मी तीव्र निषेध करते, असंही नुसरत जहाँ यांनी म्हटलं आहे.

दरम्यान, ममता बॅनर्जी यांच्यासाठी जय श्रीराम म्हणजे वळूला लाल कापड दाखवण्यासारखं आहे. याच कारणामुळं त्यांनी व्हिक्टोरिया मेमोरियलमध्ये आपलं भाषण थांबवलं, अशा शब्दात हरियाणाचे गृहमंत्री अनिस विज यांनी टीका केली आहे.

राम का नाम गले लगाके बोले ना कि गला दबाके । 🙏
I strongly condemn shouting of political and religious slogans at Government Functions to celebrate legacy of Freedom Fighter Netaji Subhash Chandra Bose on his 125th birth anniversary celebrations. #SaveBengalFromBJP #Shame
— Nusrat Jahan Ruhi (@nusratchirps) January 23, 2021