Oil Adulteration | तिळाच्या तेलाच्या (Sesame Oil) नावाखाली चक्क पॅराफिन तेल (Paraffin Oil) विकले जात असल्याचा धक्कादायक प्रकार उघडकीस आला आहे. अन्न व औषध प्रशासनाने (Food and Drug Administration) एका दुकानावर धाड टाकून या भेसळयुक्त तेलाच्या बाटल्या जप्त केल्या आहेत. तसेच, या तेलाचे उत्पादन करणाऱ्या कंपनीला देखील विक्री बंद करण्याचे आदेश दिले आहेत. नागरिकांच्या आरोग्याशी खेळणाऱ्या अशा भेसळयुक्त पदार्थांच्या विक्रीवर प्रशासनाची करडी नजर असणार आहे. (Oil Adulteration)

अन्न व औषध प्रशासनाचे अन्न सुरक्षा अधिकारी राजेश बडे (Rajesh Bade) यांनी ही धडक कारवाई केली. अहिल्यानगर शहरातील मार्केट यार्ड (Market Yard) परिसरातील साईबाबा एजन्सी (Saibaba Agency) नावाच्या दुकानात हे भेसळयुक्त तेल विकले जात होते. या तेलाच्या बाटलीवर ‘तीळ’ हा शब्द मोठ्या अक्षरात छापण्यात आला होता. तर, “खाण्यासाठी नाही” असे अतिशय छोट्या अक्षरात लिहिले होते. याशिवाय, “तिळ तेलाच्या गुणांनी युक्त” असा दिशाभूल करणारा उल्लेख ठळक अक्षरात करण्यात आला होता, जो अन्न सुरक्षा व मानके कायद्यानुसार (Food Safety and Standards Act) पूर्णपणे चुकीचा आहे.

ग्राहकांची होतेय दिशाभूल

राजेश बडे यांनी दिलेल्या माहितीनुसार, “हे तिळाचे तेल नसून पॅराफिन तेल आहे. त्यात अतिशय थोड्या प्रमाणात तिळाचे तेल असू शकते. हे तेल प्रामुख्याने देवासमोर दिवा लावण्यासाठी किंवा मसाज करण्यासाठी वापरले जाते. परंतु, या तेलाचा दिवा देखील आरोग्यास घातक ठरणारा धूर पसरवतो. त्यामुळे ही कारवाई योग्यच आहे.” या तेलाचा वापर चुकून खाण्यासाठी झाल्यास नागरिकांच्या आरोग्यावर गंभीर परिणाम होऊ शकतो.

बाटलीवरील दिशाभूल करणाऱ्या उल्लेखांमुळे ग्राहकांची फसवणूक होत आहे. बडे पुढे म्हणाले, “या तेलाचा वापर दिव्यासाठी करायचा असला तरी, चुकून कुणी त्याचा खाण्यासाठी देखील वापर करण्याची शक्यता नाकारता येत नाही. नागरिकांच्या आरोग्याशी खेळण्याचा हा प्रकार असून तो खपवून घेतला जाणार नाही.” सणासुदीच्या काळात भेसळयुक्त पदार्थांची विक्री वाढण्याची शक्यता लक्षात घेता नागरिकांनी सावध राहण्याचे आवाहन प्रशासनाने केले आहे. (Oil Adulteration)

भेसळीविरुद्ध प्रशासनाची कठोर कारवाई

अन्न व औषध प्रशासन भेसळीविरुद्ध कठोर कारवाई करत आहे. या प्रकरणी साईबाबा एजन्सी या दुकानातून पॅराफिन तेलाच्या बाटल्या जप्त करण्यात आल्या आहेत. तसेच, या तेलाचे उत्पादन करणाऱ्या कंपनीला देखील उत्पादनाची विक्री थांबवण्याचे आदेश देण्यात आले आहेत. भेसळ करणाऱ्यांवर कडक कारवाई करण्यात येणार असल्याचे प्रशासनाने स्पष्ट केले आहे. (Oil Adulteration)

नागरिकांनी भेसळयुक्त पदार्थांबाबत सतर्क राहणे आवश्यक आहे. खरेदी करताना पदार्थांवरील लेबल काळजीपूर्वक वाचावे. तसेच, कोणत्याही भेसळीबाबत संशय आल्यास अन्न व औषध प्रशासनाशी संपर्क साधावा, असे आवाहन प्रशासनाने केले आहे. सणासुदीच्या काळात अशा भेसळीच्या घटना उघडकीस येत असल्याने नागरिकांनी सावध राहून खरेदी करावी आणि प्रशासनाला सहकार्य करावे.

Title : Oil Adulteration Paraffin Oil Sold As Sesame Oil In Ahilyanagar