पाकिस्तानने भारताकडे मागितला मदतीचा हात; ‘हायड्रॉक्सीक्लोरोक्विन पुरवण्याची केली विनंती

By Babita.Durande On April 15, 2020 10:23 pm

लाहोर | कोरोनाचा सामना करण्यासाठी हायड्रॉक्सीक्लोरोक्विन औषध आम्हालाही द्या, अशी विनंती पाकिस्तानचे पंतप्रधान इम्रान खान यांनी भारताकडे केली आहे.

पाकिस्तानात आतापर्यंत 6 हजार जणांना कोरोनाची लागण झाली आहे. तर 113 जणांचा कोरोनामुळे मृत्यू झाला आहे. त्यामुळे या महामारीला रोखण्यासाठी पाकिस्तानचे पंतप्रधान इम्रान खान यांनी भारतापुढे मदतीची याचना केली आहे .

पाकिस्तानासोबतच जगभरातील अनेक देशांना भारताकडे आशा आहे. यामध्ये इटली आणि ब्रिटनसारख्या बलाढ्य देशांचाही समावेश आहे. कोरोनाचं संकट लक्षात घेऊन भारताने सुरुवातीला या औषधाच्या निर्यातीवर बंदी घातली होती. मात्र, भारताकडे आवश्यकतेपेक्षा अतिरिक्त साठा उपलब्ध असल्याने सरकारने यावरील बंदी उठवली आहे.

दरम्यान, कोरोनावर आतापर्यंत कोणतंही औषध किंवा लस निघालेली नाही. मात्र कोरोनावर हायड्रॉक्सीक्लोरोक्विन औषधाचा सकारात्मक परिणाम पडत असल्याचं समोर आलं आहे.

ट्रेंडिंग बातम्या-