Passport Application | विदेशी प्रवासासाठी किंवा अधिकृत ओळख दर्शवण्यासाठी पासपोर्ट अनिवार्य असतो. आजच्या डिजिटल युगात, तुम्ही घरबसल्या ऑनलाइन अर्ज करून सहजपणे पासपोर्ट मिळवू शकता. यासाठी काय प्रक्रिया आहे, हे आपण पाहूया. (Passport Application)
‘असा’ करा अर्ज-
भारतात पासपोर्ट मिळवण्याची प्रक्रिया आता पूर्वीपेक्षा अधिक सुलभ झाली आहे. सरकारच्या अधिकृत पासपोर्ट सेवा पोर्टल https://passportindia.gov.in वर जाऊन तुम्ही घरबसल्या पासपोर्टसाठी अर्ज करू शकता. या वेबसाइटवर ‘New User? Register Now’ या पर्यायावर क्लिक करून नवीन वापरकर्त्यांची नोंदणी करावी लागते. त्यासाठी तुमचे नाव, जन्मतारीख, ईमेल आणि मोबाईल नंबर ही मूलभूत माहिती भरावी लागते.
नोंदणी पूर्ण झाल्यावर, तुम्हाला एक युजर ID आणि पासवर्ड मिळतो, ज्याचा वापर करून तुम्ही पोर्टलवर लॉगिन करू शकता. लॉगिन केल्यानंतर ‘Apply for Fresh Passport/Re-issue of Passport’ या पर्यायावर क्लिक करावा. अर्जामध्ये वैयक्तिक माहिती, पत्ता आणि इतर आवश्यक तपशील भरावे लागतात. फॉर्म भरल्यानंतर ‘Pay and Schedule Appointment’ वर क्लिक करून जवळच्या पासपोर्ट सेवा केंद्र (PSK) किंवा पोस्ट ऑफिस पासपोर्ट सेवा केंद्र (POPSK) येथे अपॉइंटमेंट बुक करता येते. पेमेंटसाठी नेट बँकिंग, डेबिट/क्रेडिट कार्ड किंवा UPI यांचा वापर करता येतो.
कागदपत्रे व शुल्काची माहिती
पासपोर्टसाठी अर्ज करताना काही महत्त्वाची कागदपत्रे आवश्यक असतात. यामध्ये ओळख पुरावा (आधार कार्ड, मतदार ओळखपत्र), जन्म प्रमाणपत्र आणि पत्त्याचा पुरावा (वीज बिल, बँक स्टेटमेंट) यांचा समावेश असतो. पासपोर्टच्या प्रकारानुसार शुल्क आकारले जाते. उदाहरणार्थ, सामान्य पासपोर्टसाठी अंदाजे १,५०० ते २,००० रुपयांपर्यंत शुल्क आकारले जाते. तत्काळ पासपोर्टसाठी हे शुल्क थोडे अधिक असते.
पासपोर्ट सेवा पोर्टलशिवाय ‘mPassport Seva’ हे अधिकृत मोबाइल अ‍ॅपही उपलब्ध आहे. हे अ‍ॅप Google Play Store वरून डाउनलोड करता येते. या अ‍ॅपच्या सहाय्याने अर्जाची स्थिती ट्रॅक करता येते, अपॉइंटमेंट बुक करता येते आणि इतर अनेक सेवा सहज वापरता येतात.
Title : Passport Application Online process
