कच्च्या तेलाच्या किंमती पुन्हा वाढल्या, जाणून घ्या पेट्रोल-डिझेलच्या दरावर काय परिणाम झाले

By Bhagyashri Konarde On May 14, 2022 9:21 am

Photo Credit- Facebook/ Bharat Petroleum Corporation Limited

नवी दिल्ली | आंतरराष्ट्रीय बाजारात कच्च्या तेलाच्या किमतीत सातत्याने चढ-उतार पाहायला मिळत आहे. कच्च्या तेलाच्या किमतीत आणखी एकदा वाढ झाली असून संपूर्ण जगाची चिंता वाढली आहे.

तेल कंपन्यांकडून पेट्रोल-डिझेलचे दर (Petrol-Diesel Price) जारी करण्यात आले असून आज 37 दिवसांनंतरही पेट्रोल (Petrol) आणि डिझेलचे (Diesel) दर स्थिर आहेत. विशेष म्हणजे कच्च्या तेलाच्या दरात वाढ होऊनही देशात 6 एप्रिलपासून पेट्रोल-डिझेलच्या दरात कोणतेही बदल करण्यात आलेले नाहीत.

राजधानी दिल्लीत 1 लीटर पेट्रोलचे दर 105.41 रूपये आणि डिझेलचे दर 96.67 रूपये आहेत. मुंबईत प्रतिलीटर पेट्रोलची किंमत 120.51 रूपये असून डिझेलची किंमत 104.77 रूपये आहे. राज्यातील सर्वात महाग पेट्रोल आजही परभणी जिल्ह्यात मिळत आहे. परभणीत पेट्रोलसाठी 123.51 रूपये व डिझेलसाठी 106 रूपये मोजावे लागत आहेत.

दरम्यान, पुण्यात प्रतिलीटर पेट्रोल आणि डिझेलचे भाव अनुक्रमे 120.20 रूपये व 104.50 रूपये आहे. उपराजधानी नागपूरमध्ये पेट्रोलची किंमत 120.40 रूपये असून डिझेलची किंमत 103.73 रूपये आहे. औरंगाबाद शहरात पेट्रोलसाठी 121.30 रूपये व डिझेलसाठी 104.50 रूपये मोजावे लागत आहेत.

थोडक्यात बातम्या-