लॉकडाऊन इफेक्ट, उत्तर प्रदेशातून दिसतायत हिमालयाच्या बर्फाच्छादित पर्वतरांगा

By Babita.Durande On May 1, 2020 11:09 pm

सहारनपूर | कोरोना व्हायरसचा फैलाव रोखण्यासाठी देशव्यापी लॉकडाउन करण्यात आलं. लॉकडाउनमुळे उद्योग-व्यवसाय बंद आहे. पण त्याचवेळी लॉकडाउनमुळे निर्सगामध्ये झालेले काही चांगले बदलही दिसून येत आहेत.

उत्तर प्रदेशात नागरिकांनी काही पर्वतांचे फोटो काढून सोशल मीडियावर पोस्ट केले आहेत. या फोटोत हिमालयाच्या बर्फाच्छादित पर्वतरांगा असल्याचं नागरिकांनी सांगितलं आहे. भारतीय वन खात्यातील अधिकारी रमेश पांडे यांनी हिमालयाचे फोटो टि्वटरवर शेअर केलेत. त्यानंतर हे फोटो आता व्हायरल झाले आहेत.

लॉकडाउन आणि अधून-मधून पडणाऱ्या पावसामुळे हवेचा दर्जा सुधारला आहे. वसंत विहार कॉलनीमध्ये राहणाऱ्या दुष्यंत यांनी सोमवारी सकाळी त्यांच्या घरातून हे फोटो काढले, अशी माहिती रमेश पांडे यांनी त्यांच्या टि्वटर हँडलवर दिली आहे.

भारतीय वन खात्याचे दुसरे अधिकारी परवीन कासवान यांनी सुद्धा हिमालयीन पर्वतरांगांचे फोटो शेअर केले आहेत. सहारनपूरपासून या पर्वतरांगा 150 ते 200 किलोमीटर अंतरावर आहेत असं परवीन कासवान यांनी आपल्या टि्वटमध्ये म्हटले आहे.

Snow capped peaks of Himalaya are now visible from Saharnpur !
Lockdown and intermittent rains have significantly improved the AQI. These pictures were taken by Dushyant, an Income Tax inspector, from his house at Vasant Vihar colony on Monday evening. #lockdowneffect #nature pic.twitter.com/1vFfJqr05J

— Ramesh Pandey IFS (@rameshpandeyifs) April 29, 2020

When you can see snow peaks from Saharanpur. They say it is rare to see these peaks which are 150-200 km far. I hope now people will appreciate what they were missing earlier. PC Ashutosh Mishra. pic.twitter.com/1jeGlK7LZx

— Parveen Kaswan, IFS (@ParveenKaswan) April 29, 2020