Top News चंद्रपूर महाराष्ट्र

डॉ. शीतल आमटेंच्या आत्महत्येबद्दल पोलीस तपासात अत्यंत धक्कादायक माहिती समोर

चंद्रपूर | महारोगी सेवा समितीच्या मुख्य कार्यकारी अधिकारी डाॅ. शीतल आमटे-करजगी यांच्या मृत्यूचे गुढ अद्याप कायम असताना आता आणखी एक धक्कादायक माहिती समोर आली आहे. जून 2020 मध्येही त्यांनी झोपेच्या गोळ्या घेऊन आत्महत्येचा प्रयत्न केला होता, अशी धक्कादायक माहिती पोलीस तपासात पुढे आलीय.

डाॅ. शीतल आमटे या काही दिवसांपासून मानसिक तणावाखाली होत्या, नागपूर येथील मानसोपचार तज्ज्ञांच्या मार्गदर्शनाखाली त्या औषधोपचार देखील घेत होत्या, पोलीस तपासात या बाबी पुढं आल्याचं पोलीस अधीक्षक अरविंद साळवे यांनी बुधवारी पत्रकार परिषदेत सांगितलं आहे.

21 नोव्हेंबर 2020 रोजी डाॅ. शीतल यांनी त्यांच्या नेहमीच्या फार्मसिस्टकडे प्राणघातक लेथल इंजेक्शनची मागणी केली होती. कुत्र्यांसाठी ही इंजेक्शन लागत असल्याचं त्यांनी सांगितलं होतं.

दरम्यान, घटनास्थळावर एका इंजेक्शनचे ॲम्पोल फुटलेल्या अवस्थेत आढळून आलं आहे, तसेच वापरलेली सिरींजही आढळली आहे. मात्र कुठलीही सुसाईड नोट सापडलेली नाही, असंही पोलीस अधीक्षकांनी स्पष्ट केलं आहे.

शवविच्छेदन अहवालानुसार डाॅ. शीतल आमटेंचा मृत्यू श्वास रोखल्यामुळे झाला असल्याचंही पोलीस अधीक्षक साळवे यांनी स्पष्ट केलं आहे, तसेच त्यांच्या उजव्या हातावर इंटरावेनस इंजेक्शनचे व्रण होते. तपासात घातपात झाल्याबाबतचा कोणताही सकृतदर्शनी पुरावा आढळून आला नसल्याचंही त्यांनी यावेळी स्पष्ट केलं.

थोडक्यात बातम्या-

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या