राज ठाकरेंच्या वक्तव्याशी नारायण राणे सहमत?; म्हणतात…

By Thodkyaat On August 12, 2019 7:22 pm

सिंधुदुर्ग | राज्यसभेचे खासदार नारायण राणे यांनी पूरग्रस्त परिस्थितीवर पत्रकार परिषद घेतली. पूरस्थिती अतिशय गंभीर आहे. लोकांचे अतोनात हाल होतायेत. याच पार्श्वभूमीवर जर शक्य असेल तर येऊ घातलेली विधानसभा निवडणूक पुढे ढकलायला हरकत नाही, असं खासदार नारायण राणे यांनी म्हटलं आहे.

सरकारने सर्व राजकीय पक्षांची मतं घेऊन आणि सल्लामसलत करून विधानसभा निवडणुकांबाबत निर्णय घ्यावा, असंही राणे म्हणाले आहेत.

सांगली कोल्हापुरात महापूराने अनेकांची आयुष्य देशोधडीला लागलीयेत. याच पार्श्वभूमीवर विधानसभा निवडणूक पुढे ढकला आणि कोल्हापूर-सांगलीतील परिस्थितीवर लक्ष केंद्रित करा, असं मनसे अध्यक्ष राज ठाकरे यांनी म्हटलं होतं. त्यांच्याच पावलावर पाऊल टाकत नारायण राणेंनी निवडणूक पुढे ढकलण्याची मागणी केली आहे.

दरम्यान, निवडणूक कधी घ्यायची हे निवडणूक आयोग ठरवत असतं, राज्य शासन नाही…. असं मुख्यमंत्र्यांनी म्हटलं आहे.

महत्वाच्या बातम्या-