“देवेंद्रजींनी सांगितलं म्हणून काही ट्विट डिलीट केल्या, नाहीतर मी कोणाच्या बापाला…”

By Lakhan Dalve On April 30, 2022 8:55 pm

मुंबई | राज्याच्या राजकारणात सध्या भाजप आणि महाविकास आघाडीत जोरदार वाद होताना दिसत आहेत. विरोधी पक्षनेते देवेंद्र फडणवीस आणि त्यांच्या पत्नी अमृता फडणवीस यांची राजकारणात असो किंवा समाजकारणात जोरदार चर्चा असते.

अमृता फडणवीस यांनी महाविकास आघाडीवर सातत्यानं आपल्या पोस्टच्या माध्यमातून टीका केली आहे. फडणवीस यांच्या पत्नी असल्यानं नाही तर एक नागरिक म्हणून देखील मी बोलत असते, असं अमृता फडणवीस म्हणाल्या आहेत.

अमृता फडणवीस आणि देवेंद्र फडणवीस माझा महाकट्ट्यावर बोलते झाले. यावेळी देवेंद्र फडणवीस यांनी अमृता फडणवीस यांनी राजकीय पोस्ट करू नयेत असं म्हटलं आहे. अमृता फडणवीस यांनी देखील फडणवीस यांच्या वक्तव्याला जोडून एक वक्तव्य केलं आहे.

दरम्यान, देवेंद्र फडणवीस यांनी सांगतिलं म्हणून एखादी पोस्ट डिलीट केली असेल. नाहीतर मी कुणाच्या बापाला घाबरत नाही, असं अमृता फडणवीस म्हणाल्या आहेत. अमृता फडणवीस यांच्या या वक्तव्याची सध्या जोरदार चर्चा आहे.

थोडक्यात बातम्या –