Post Office Monthly Income Scheme | भारतीय पोस्ट ऑफिस (Post Office) नेहमीच आकर्षक व्याजदरासह नवीन-नवीन स्कीम आणत असते. आता अशीच एक नवीन स्कीम पोस्ट ऑफिसने काढली आहे. ज्यामुळे तुम्ही महिन्याला जवळपास 10 हजारांची कमाई करू शकता.

ही पोस्ट ऑफिसची छोटी बचत योजना आहे. तुम्ही त्यात गुंतवणूक केल्यानंतर तुम्हाला मासिक फायदे मिळू लागतात. पोस्ट ऑफिस मासिक उत्पन्न योजनेचे उत्पन्न मिळविण्यासाठी तुम्ही किती पैसे गुंतवू शकता , यावर किती व्याज दिले जाईल आणि या योजनेअंतर्गत मासिक उत्पन्नाचा लाभ किती काळ मिळेल?, याबाबत सविस्तर माहिती या लेखात दिली आहे.

योजनेबाबत अधिक माहिती-

Post Office Monthly Income Scheme ही एकप्रकारे पेन्शन योजना सारखीच आहे. यामध्ये एकदा पैसे जमा केल्यानंतर, तुम्हाला पुढील पाच वर्षांसाठी दरमहा हमी उत्पन्न मिळेल. यात तुम्हाला एकल किंवा संयुक्त खात्यातून गुंतवणूक करता येते. एकल खात्यात 9 लाख रुपयांपर्यंत गुंतवणूक करता येते, तर संयुक्त खात्यात 15 लाख रुपयांपर्यंत गुंतवणूक करता येते.

POMIS पोस्ट ऑफिस योजना ही मुदत ठेव खात्याचा एक प्रकार आहे जिथे तुम्हाला दरमहा व्याज मिळते. त्यात ठराविक रक्कम टाकून तुम्ही दर महिन्याला व्याजाद्वारे निश्चित उत्पन्न मिळवू शकता. याच्या गुंतवणुकीचा कालावधी हा पाच वर्षांचा आहे.

ही योजना सध्या वार्षिक 7.4% व्याज देत आहे. त्याचे व्याजदर हळूहळू बदलू देखील शकतात. मासिक उत्पन्न योजनेत (MIS) तुम्ही एकाच वेळी 9 लाख रुपये जमा केल्यास, तुम्हाला पाच वर्षांसाठी दरमहा 5,550 रुपये व्याज मिळेल. तसेच, जर तुम्ही MIS मध्ये 15 लाख गुंतवले तर तुमचे मासिक उत्पन्न 9,250 रुपये असेल.

योजनेसाठी आवश्यक कागदपत्रे-

अर्जदाराचे आधार कार्ड
पॅन कार्ड
बँक खाते पासबुक
सध्याचा मोबाईल नंबर आणि
पासपोर्ट आकाराचा फोटो इ. (Post Office Monthly Income Scheme)

योजनेसाठी अर्ज कसा करणार?

-पोस्ट ऑफिस मासिक उत्पन्न योजनेचा अर्ज करण्यासाठी तुम्हाला तुमच्या पोस्ट ऑफिस शाखेत जावे लागेल.
-येथे पोहोचल्यानंतर तुम्हाला “पोस्ट ऑफिस मासिक उत्पन्न योजना 2024 – अर्जाचा फॉर्म” भरावा लागेल.
-पुढे अर्जामध्ये आवश्यक असलेली सर्व कागदपत्रे संबंधित शाखेत जमा करून तुम्ही योजनेसाठी अर्ज करू शकता. (Post Office Monthly Income Scheme)