Maharashtra l महाराष्ट्रात निवडणुकीपूर्वी महायुतीला झटका बसण्याची दाट शक्यता आहे. कारण एनडीएचा मित्रपक्ष असलेल्या प्रहार जनशक्ती पक्षाचे नेते बच्चू कडू यांनी महायुतीला अल्टिमेटम दिला आहे. चार वाजेपर्यंत मागण्या मान्य न झाल्यास मी योग्य तो निर्णय घेईल असे त्यांनी सांगितले आहे.

प्रहार पक्षाच्या मागण्या काय? :

– स्वामिनाथन आयोगाच्या शिफारशी त्वरित मान्य करून त्यांची अंमलबजावणी करावी, अशी मागणी बच्चू कडू यांनी केली आहे.
– पेरणीपासून कापणीपर्यंतची सर्व कामे MREGS किंवा राज्य रोजगार हमी योजनेंतर्गत झाली पाहिजेत.
– कांद्याला हमीभाव देऊन नाफेडचा हस्तक्षेप थांबवावा.
– बच्चू कडू यांनी निर्यातबंदीबाबत स्वतंत्र धोरण तयार करावे, अशी मागणी केली.

– शेतकऱ्यांच्या कर्जमाफीच्या माध्यमातून पुढील 2 वर्षांसाठी 50 टक्के कर्जाची मुद्दल आणि व्याज माफ करण्यात यावे.
– स्वतंत्र घरगुती योजना, स्वतंत्र स्टॉल धोरण, म्हाडा, दिव्यांग वित्त महामंडळात 5% आरक्षण, कर्जमाफी आणि तारण कर्ज वाटप आणि अंत्योदय योजनेचा लाभ दिव्यांगांना देण्यात यावा.
– 6000 रुपये प्रति महिना सामाजिक सुरक्षा स्टायपेंड देण्याची मागणी करण्यात आली आहे.
– घरकुलसाठी 5 लाख रुपयांचा निधी असावा.
– शहीद, माजी सैनिक, हुतात्मा स्मारके आणि किल्ल्यांसाठी शहरी आणि ग्रामीण भागाला समान निधी द्यावा.

Maharashtra l सरकारमध्ये सर्वसामान्यांना अच्छे दिन नाहीत :

प्रहार पक्षाचे अध्यक्ष व आमदार बच्चू कडू यांनी सांगितले की, सध्याच्या सरकारमध्ये सर्वसामान्यांना अच्छे दिन नाहीत. दिव्यांगांसाठी शासनाचे कोणतेही धोरण नाही. तरुणांसाठी धोरण आहे, पण त्यांच्या हाती झेंडा दिसत नाही. त्यामुळे मी या कारभाराशी मी सहमत नाही त्यामुळे आमच्या मागण्या मान्य करून लवकर निर्णय घ्यावा असा सज्जड दम बच्चू कडू यांनी सरकारला दिला आहे.