बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

आनंद तेलतुंबडेंना अडकवणाऱ्या सामाजिक-राजकीय शक्तींना हरवूया- प्रकाश आंबेडकर

मुंबई | कोरोना बरोबरच राजकीय पातळीवर सुद्धा आव्हानात्मक परिस्थिती आहेच. 14 एप्रिल रोजी बाबासांहेबांच्या जयंतीदिनी डॉ आनंद तेलतुंबडे आणि गौतम नवलाखा सर्वोच्च न्यायालयाच्या आदेशानुसार एन. आय. ए. च्या स्वाधीन झाले. त्यांना अडकवणाऱ्या सर्व सामाजिक-राजकीय शक्तींना हरवूया, असा निर्धार वंचितचे नेते प्रकाश आंबेडकर यांनी व्यक्त केला आहे.

भाजप सरकार हे सातत्याने एका बाजूला आपल्या अस्मितेच्या प्रतीकांवर हल्ला करून ती मोडीत काढण्याचा आणि दुसर्‍या बाजूला आपल्या उपजीविकेची साधने हिरावून घेत आहे, असा आरोप करत हा लढा दीर्घकालीन आहे आणि तो ही आपल्याला नंतर लढावाच लागणार आहे. राज्यघटना आणि न्यायालयावर आपला विश्वास आहे आणि तो विश्वास कायम ठेवूनच आताच्या महाकठीण परिस्थितीवर लक्ष केंद्रित करूया, असं ते म्हणाले आहेत.

१४ एप्रिल हा दिवस भारतीय इतिहासातील एक सोनेरी पान आहे. भारतातील सर्वच स्तरातील नागरिकांच्या आयुष्याला अर्थ प्राप्त करून देणारा आनंद निर्माण करणारा हा दिवस. त्यामुळे हा दिवस कायम एक आनंदाचा सोहळा म्हणूनच साजरा केला गेला पाहिजे. तेलतुंबडेंना अटक झाल्यानंतर राजगृहावर काळे फडके फडकावल्याचा मुद्दा सोशल मिडिया आणि प्रसार माध्यमांतून जाणीवपूर्वक चुकीच्या पद्धतीने व्हायरल केला गेला. त्याला कुणीही वेगळ्या प्रकारे विचारात घेऊ नये किंवा कोणत्याही प्रकारे काळा दिवस असल्याचे मानता कामा नये, असंही त्यांनी यावेळी स्पष्ट केलं.

बाबासाहेब म्हणाले तसे आपल्याला “भांडवलशाही आणि ब्राह्मणशाही” विरोधी- विशेषतः आताच्या संदर्भात फ़ॅसिस्ट शक्तीच्या विरोधात खुप विचारपूर्वक लढत द्यावी लागेल. या शक्तींच्या कायम विरोधात उभ्या राहिलेल्या देशभरातील आंबेडकरी शक्तीला, तरुणांना भावनिक बनवून, भडकविण्याचे प्रयत्न केल्या काही वर्षांपासून जाणीवपूर्वक सुरु आहेत आणि गेल्या काही दिवसात ते अधिक प्रखर झालेले दिसत आहेत. ही आपल्या सर्वांच्या परीक्षेची वेळ आहे. म्हणून कोरोना विरुद्धच्या लढ्यावर संपुर्ण लक्ष देत या ब्राह्मणी-फ़ॅसिस्ट शक्ती आणि भांडवली शक्तींविरुद्धची लढाई संविधानाच्या आणि संसदीय राजकारणाच्या चौकटीत तीव्र करत तुरुंगातील आनंद तेलतुंबडें आणि इतर सर्व मानव अधिकार कार्यकर्त्याना अडकवण्या-या सामाजिक-राजकीय शक्तींना हरवू या, असं ते म्हणाले.

ट्रेंडिंग बातम्या-

नाबार्डला 25 हजार कोटी, एनएचबीला 10 हजार कोटी , सीडबीला 15 हजार कोटी तर मायक्रो बँकिंगसाठी 50 हजार कोटींची RBI कडून मदत

चीनचा भारताला मदतीचा हात; पाठवले साडे 6 लाख रॅपिड किट

महत्वाच्या बातम्या-

“वाटलं होतं महाविकास आघाडीचं सरकार आल्यावर सर्वांना समान न्याय भेटेल पण…”

देश लॉकडाऊन, कर्नाटकात मात्र थाटामाटात पार पडला माजी पंतप्रधानांच्या नातवाचा विवाहसोहळा

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More