बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

“एक-दोन नाही तर 37 आमदारांना भाजपत कोणतेही अधिकार नाहीत”

मुंबई | भाजपमध्ये 37 आमदारांना कोणतेही अधिकार नाहीत. त्यांना गप्प बसण्याचा सल्ला दिला गेला आहे. त्यांना कुठलाही अधिकार नाही. माजी मुख्यमंत्री देवेंद्र फडणवीस आल्यानंतर ओबीसी नेत्यांचा त्रास वाढला. आदिवासी नेत्यांनाही भाजपमध्ये त्रास दिला जात आहे, असं भाजपचे माजी आमदार आणि धनगर समाजाचे नेते प्रकाश शेंडगे यांनी म्हटलं आहे.

पंकजा मुंडेंना तिकीट देऊन पाडलं. अनिल गोटेंचा साधा पोस्टरही भाजप लावत नाही. त्यांचीही तिकीट कापलं. तर दुसरीकडे गणेश हाकेंचे हाल केले. अनेक ठिकाणी आयात करून उमेदवार देण्यात आले. बाळासाहेब सानप यांचीही मुस्कटदाबी केली. याबाबत बावनकुळेंना सगळं माहीत आहे, असंही शेंडगे म्हणाले.

पंकजा मुंडे ओबीसी असल्याने त्यांचं भाजपत खच्चीकरण केलं जातंय. भाजपने कायमच ओबीसी नेत्यांना संपवण्याचा प्रयत्न केला आहे. त्यामुळे पंकजा मुंडेंनी शिवसेनेत प्रवेश करावा, असा सल्ला प्रकाश शेंडगेंनी काही दिवसांपुर्वी दिला होता.

हा सगळा प्रकार पाहता आम्हाला जो काही निर्णय घ्यायचा तो आम्ही 12 तारखेला एकत्र बसून घेऊ. येत्या 12 तारखेला आम्ही मोठा निर्णय घेणार आहोत, असंही शेंडगे म्हणाले आहेत. त्यामुळे 12 तारखेला नक्की काय होतं, हे पाहणं महत्वाचं आहे.

महत्वाच्या बातम्या-

 

 

 

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More