Premanand Maharaj | आकर्षण (Attraction) ही एक नैसर्गिक भावना आहे. प्रत्येकाची आवड-निवड (Likes-Dislikes) वेगळी असते आणि सौंदर्याची (Beauty) परिभाषाही (Definition) वेगळी असते. सामान्यतः स्त्रियांना पुरुषांबद्दल आणि पुरुषांना स्त्रियांबद्दल आकर्षण (Attraction) वाटते. परंतु, जेव्हा एखाद्या स्त्रीला दुसऱ्या स्त्रीबद्दल किंवा पुरुषाला पुरुषाबद्दल लैंगिक आकर्षण (Sexual Attraction) वाटते, तेव्हा मात्र अनेकांच्या भुवया उंचावतात. अशाच एका तरुणाच्या प्रश्नावर वृंदावनातील (Vrindavan) प्रसिद्ध संत प्रेमानंद महाराजांनी (Premanand Maharaj) दिलेले उत्तर सध्या चर्चेचा विषय ठरले आहे.
तरुणाचा प्रश्न आणि प्रेमानंद महाराजांचे (Premanand Maharaj) उत्तर
प्रेमानंद महाराजांच्या (Premanand Maharaj) दर्शनासाठी आलेल्या एका तरुणाने त्यांना प्रश्न विचारला की, “आई-वडिलांना (Parents) माझे लग्न (Marriage) करायचे आहे, परंतु मला मुलींऐवजी मुले आवडतात. मला पुरुषांबद्दल आकर्षण (Attraction) आहे.” यावर प्रेमानंद महाराजांनी शांतपणे आणि हसत उत्तर दिले.
ते म्हणाले, “मी तुम्हाला प्रार्थना करतो की, देवानेच आपल्याला या भावना दिल्या आहेत. त्यामुळे जर आपल्याला पुरुषांबद्दल आकर्षण (Attraction) असेल तर एखाद्या स्त्रीच्या भावनांशी खेळू नये, तिला धोका देऊ नये. आपल्या आई-वडिलांसोबत (Parents) मोकळेपणाने संवाद साधा. आपल्याला नेमके काय वाटते, हे त्यांना व्यवस्थित कळू द्या. परंतु आपल्याला जर खरोखर पुरुषांबद्दल आकर्षण वाटत असेल तर अजिबात एखाद्या मुलीसोबत लग्न करून तिचे आयुष्य नरक करू नका.”
“मुलांच्या भावना समजून घ्या”
यावर त्या तरुणाने “या विषयावर आई-वडिलांशी (Parents) बोलायला आपल्याला लाज वाटते,” असे सांगितले. त्यावर महाराज म्हणाले, “मग इतर कोणाचंतरी आयुष्य उद्ध्वस्त करायला शरम नाही वाटत का? आपल्या या भावना आई-वडिलांना (Parents) सांगण्यात कसलीच शरम नाही आणि आई-वडिलांनाही माझी विनंती आहे की, त्यांनी आपल्या मुलांच्या भावना समजून घ्यायला हव्या.
त्याच्या स्वभावाची (Nature) मूळ रचनाच तशी झालेली आहे. आपण ओरडून, मारून ते नाही बदलू शकत. त्यामुळे एकमेकांना समजून घेतले तर चांगले होईल.” (Premanand Maharaj)
प्रेमानंद महाराजांच्या (Premanand Maharaj) उत्तराची सर्वत्र चर्चा
प्रेमानंद महाराजांच्या या उत्तराची सोशल मीडियावर (Social Media) चर्चा होत आहे. अनेकांनी त्यांच्या समंजसपणाचे (Maturity) कौतुक केले आहे. तर काहींनी या विषयावर मोकळेपणाने बोलण्याचे धाडस केल्याबद्दल त्यांचे कौतुक केले.
Title : Premanand Maharaj Response to a Youth on Homosexual Attraction
