Top News पुणे महाराष्ट्र

लोकांकडे पैसेच नाहीत तर उत्पादन केलेल्या वस्तू कोण घेणार?; पृथ्वीबाबांचा मोदींना सवाल

पुणे | मोदी सरकारने 20 लाख काेटींचे पॅकेज जाहीर केले असले तरी त्यामधून गरीब, मजूर, शेतकरी व नाेकरदारांच्या हातात काहीच पैसे मिळार नाहीत म्हणून या पॅकेजचा अर्थव्यवस्थेला काहीही फायदा होणार नाही. आपल्याकडे उत्पादन निर्मिती केली जात असली तरी जाेपर्यंत लाेकांच्या हाती पैसे येणार नाहीत ताेपर्यंत या वस्तू खरेदी काेण करणार? असा सवाल माजी मुख्यमंत्री आणि ज्येष्ठ काँग्रेस नेते पृथ्वीराज चव्हाण यांनी केंद्र सरकारला केला आहे.

ब्रिटनच्या सरकारने तेथील मजुरांना सव्वा 2 लाख रुपये व अमेरिकेने 70 हजार दरमहा मदत केलेली आहे, मग ती सरकारे वेडी आहेत का? आपल्याकडे लाॅकडाऊन शिथिल करताना उद्योग सुरू करून अन‌् उत्पादन निर्मिती केली जात असली तरी लोक वस्तू खरेदी कश्या करणार, असा सवाल चव्हाण यांनी उपस्थित केला आहे.

काेराेनामुळे जीव वाचवायचा की राेजगार, असा प्रश्न आज मजुरांसमाेर आहे. माझ्या मते डिसेंबर 2021 पर्यंत काेराेनावर लस येण्याची शक्यता नाही, त्यामुळे पुढचा काही काळ आपल्याला काेराेनासाेबत राहण्याची मानसिकता करावी लागेल. इंग्लंड, अमेरिका, जर्मनीसह इतर देशांनी तेथील मजुरांच्या खात्यात थेट पैसे जमा केले आहेत. जाेपर्यंत या लाेकांच्या हाती पैसे येणार नाहीत ताेपर्यंत ते वस्तू खरेदी करू शकणार नाहीत, असं ते म्हणाले.

अर्थव्यवस्था रुळावर आणायची असेल तर जून महिन्यात केंद्र आणि राज्य सरकारने मिनी अंदाजपत्रक जाहीर करावे, अशी सूचनाही त्यांनी केली. अर्थव्यवस्था रुळावर यावी, यासाठी केंद्राने 20 लाख कोटींचे पॅकेज जाहीर केले. त्यातून थेट मदत फक्त दोन लाख कोटींची होणार आहे. उर्वरित रकमेचे पॅकेज संभ्रम निर्माण करणारे आहे, अशी टीका त्यांनी यावेळी केली.

ट्रेंडिंग बातम्या-

कोरोनाविरोधी लढ्यात केरळची महाराष्ट्राला मोलाची मदत, मुख्यमंत्री-आरोग्यमंत्र्यांनी मानले आभार

सगळ्या माध्यमांच्या शाळांमध्ये मराठीची सक्ती, अन्यथा शाळांवर कारवाई करणार- शिक्षणमंत्री

महत्वाच्या बातम्या-

देशातली कोरोनाबाधितांची संख्या 2 लाखांजवळ, गेल्या 24 तासांत तब्बल इतक्या जणांना कोरोना!

आनंदाची बातमी… 6 वर्षीय चिमुरडीची आणि 66 वर्षीय वृद्धाची कोरोनावर यशस्वीरित्या मात!

रेल्वेत एकाही प्रवाशाचा अन्न-पाण्यावाचून मृत्यू झालेला नाही; रेल्वेमंत्र्यांचा दावा

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या